മോഹന്ലാലിന്റെ സിനിമകളെപ്പോലെ അദ്ദേഹത്തിന്‍റെ ബ്ലോഗുകളെയും ഇഷ്ടപ്പെടുന്ന ഒട്ടേറെ ആരാധകരുണ്ട്. സാമൂഹികപരമായ വിഷയങ്ങളില്‍ സ്വന്തം കാഴ്ചപാടുകളെക്കുറിച്ചു തുറന്ന മനസ്സോടെ സംസാരിക്കുന്ന മോഹന്ലാലിന്റെ ബ്ലോഗ്‌ എഴുത്തിന് വായനക്കാരും ഏറെയാണ്‌. കൊല്ലം കൊട്ടാരക്കര സ്വദേശിയായ കിഷോര്‍ എന്ന യുവാവ്‌ പേരിനൊപ്പം ‘സ്നേഹപൂര്‍വ്വം’ എന്ന് കൂട്ടിചേര്‍ത്താണ് മോഹന്ലാലിന്റെ ബ്ലോഗുകളോടുള്ള ആരാധന വെളിപ്പെടുത്തുന്നത്.
‘സ്നേഹപൂര്‍വ്വം’ എന്ന കുറിപ്പോടെയാണ് മോഹന്ലാലിന്റെ എല്ലാ ബ്ലോഗുകളും അവസാനിക്കുന്നത്. അതുകൊണ്ട് തന്നെ കിഷോര്‍ പേരിനൊപ്പം ‘സ്നേഹപൂര്‍വ്വം കിഷോര്‍’ എന്ന് പേരില്‍ മാറ്റം വരുത്തിയാണ് തന്റെ ബ്ലോഗ്‌ ആരാധന പ്രകടമാക്കിയത്. മോഹന്ലാലിന്റെ ബ്ലോഗുകള്‍ എപ്പോഴും വായനകാര്‍ക്ക് മുന്നിലെത്തുന്നത് 21-ആം തീയതിയാണ്, കിഷോറിന്റെ ജന്മദിനവും 21-നാണ്. സെപ്റ്റംബര്‍ 21-നാണ് കിഷോറിന്റെ ജന്മദിനം. തൃശൂരുള്ള ഒരു റിസോര്‍ട്ടില്‍ ഷെഫ് ആയി ജോലി ചെയ്യുകയാണ് മോഹന്ലാലിന്റെ ഈ വ്യത്യസ്തനായ ബ്ലോഗ്‌ ആരാധകന്‍.
കടപ്പാട്; അമൃത ടിവി (ലാല്‍ സലാം ഷോ)
Post Your Comments