ശ്രദ്ധ ശ്രീനാഥിന് നിവിന്‍ പോളിയെക്കുറിച്ച് ചിലത് പറയാനുണ്ട്!

തെന്നിന്ത്യയിലെ ഇപ്പോഴത്തെ ഹിറ്റ് നായികയായ  ശ്രദ്ധ ശ്രീനാഥാണ്  നിവിന്‍ പോളി നായകനായി അഭിനയിച്ച ‘റിച്ചി’ എന്ന ചിത്രത്തിലെ നായികയായി അഭിനയിച്ചത്. ‘റിച്ചി’യില്‍ ‘മേഘ’ എന്ന കഥാപാത്രത്തെ അവതരിപ്പിച്ചാണ് ശ്രദ്ധ ശ്രീനാഥ് പ്രേക്ഷകര്‍ക്കിടയില്‍ ശ്രദ്ധ നേടിയത്. ചിത്രം ബോക്സോഫീസില്‍ വലിയ ചലനം സൃഷ്ടിച്ചില്ലെങ്കിലും നായകനായി എത്തിയ നിവിന്‍ പോളിയുടെയും നായികയായി അഭിനയിച്ച ശ്രദ്ധയുടെയും പ്രകടനം തിയേറ്ററില്‍ കയ്യടി നേടിയിരുന്നു, നിവിന്‍ പോളിയോടോപ്പമുള്ള അഭിനയം മികച്ച അനുഭവമായിരുന്നുവെന്നും നിവിന്‍ പോളിയുടെ വലിയ ആരാധികയാണ് താനെന്നും ശ്രദ്ധ പങ്കുവെച്ചു. ഒരു ആരാധികയില്‍ നിന്ന് നിവിന്റെ നായികായി മാറിയ മാറ്റം സ്വപ്നാനുഭവമായിരുന്നുവെന്നും ശ്രദ്ധ പങ്കുവെച്ചു. ഒരു പ്രമുഖ മാധ്യമത്തിനു നല്‍കിയ അഭിമുഖത്തില്‍ സംസാരിക്കുമ്പോഴാണ് നിവിന്‍ പോളിയോടുള്ള ആരാധനയെക്കുറിച്ചും, നിവിനോടൊപ്പമുള്ള അഭിനയത്തെക്കുറിച്ചും ശ്രദ്ധ ശ്രീനാഥ് പങ്കുവെച്ചത്. ‘കോഹിനൂര്‍’ എന്ന ചിത്രത്തിലൂടെയാണ് ശ്രദ്ധ മലയാളത്തിലെത്തുന്നത്.