മലയാളത്തില്‍ ഗ്രാമീണ വേഷങ്ങളില്‍ തിളങ്ങുകയും മറ്റു തെന്നിന്ത്യന്‍ ഭാഷകളില്‍ ഗ്ലാമറസ് വേഷങ്ങള്‍ അവതരിപ്പിക്കുകയും ചെയ്യുന്നതില്‍ മടികാണിക്കാത്ത ധാരാളം നടിമാരുണ്ട്‌. അക്കൂട്ടത്തിലെയ്ക്ക് എത്തുകയാണ് നടി അനു ഇമ്മാനുവല്‍. കമല്‍ സംവിധാനം ചെയ്ത സ്വപ്‌ന സഞ്ചാരി എന്ന ചിത്രത്തിലൂടെ മലയാള സിനിമയില്‍ എത്തിയ നടിയാണ് അനു ഇമ്മാനുവല്‍. ആക്ഷന്‍ ഹീറോ ബിജുവില്‍ നിവന്‍ പോളിയുടെ നായികയായും അനു തിളങ്ങി. എന്നാല്‍ മലയാളത്തേക്കാള്‍ കൈനിറയെ ചിത്രങ്ങള്‍ ഉള്ളത് തെലുങ്കിലാണ്.
പവര്‍സ്റ്റാര്‍ നായകനായെത്തുന്ന അഗ്നതാ വാസി എന്ന ചിത്രമാണ് അനുവിന്റെ പുതിയ റിലീസ്. ചിത്രത്തിന്റെ ഓഡിയോ ലോഞ്ച് കഴിഞ്ഞ ദിവസം നടന്നിരുന്നു. ആരാധകരുമായി സംവദിക്കാന്‍ അനു ഫെയ്‌സ്ബുക്കില്‍ ലൈവിലും എത്തിയിരുന്നു. ഫാഷന്‍ ഡിസൈനര്‍ ആയ സഷിയുടെ കൂടെയാണ് അനു ലൈവില്‍ എത്തിയത്. അനുവിന്റെ ആദ്യ ഫെയ്‌സ്ബുക്ക് ലൈവായിരുന്നു അത്. സാരിയില്‍ ഗ്ലാമര്‍ലുക്കിലാണ് അനു എത്തിയത്. താരം സുന്ദരിയാണങ്കിലും ശരീരപ്രദര്‍ശനമാണ് വീഡിയോയില്‍ നടത്തിയതെന്ന് ആരാധകര്‍ വിമര്‍ശിച്ചു.
Post Your Comments