വുമണ്‍ ഓഫ് ദ ഇയര്‍ 2017 തെരഞ്ഞെടുപ്പില്‍ മലയാളത്തിന്റെ പ്രിയ നടി പാര്‍വതിയും. ഔണ്‍ലൈന്‍ വാര്‍ത്താ മാധ്യമമായ ‘ദ ന്യൂസ് മിനിറ്റ്’ നടത്തിയ വുമണ്‍ ഓഫ് ദ ഇയര്‍ 2017 പട്ടികയിലാണ് പാര്‍വതി ഇടം നേടിയിരിക്കുന്നത്. അവരവരുടെ മേഖലകളിലെ പ്രവര്‍ത്തനം മൂലം സമൂഹത്തില്‍ എത്രമാത്രം സ്വാധിനം ചെലുത്താന്‍ സാധിച്ചു എന്നതിന്റെ അടിസ്ഥാനത്തില്‍ ന്യൂസ് മിനിറ്റ് തയ്യാറാക്കിയ ശക്തരായ വനിതകളുടെ പട്ടികയിലാണ് പാര്‍വതി ഇടംനേടിയത്.
സിനിമാ മേഖലയില്‍ തന്റേതായ അഭിപ്രായം തുറന്നു പറയുന്ന വ്യക്തിയാണ് പാര്‍വതി. മോളിവുഡില്‍ നിന്നും ബോളിവുഡിലെയ്ക്കും എത്തിയ പാര്‍വതി സിനിമാ മേഖലയില്‍ നടക്കുന്ന സ്ത്രീ അതിക്രമങ്ങള്‍ക്കെതിരെയും സ്ത്രീ വിരുദ്ധതയ്ക്ക്കെതിരെയും ശബ്ദം ഉയര്‍ത്തിയിരുന്നു. ഇരുപത്തിരണ്ടാമത് രാജ്യാന്തര ചലച്ചിത്രോത്സവത്തിലേ ഓപ്പണ്‍ ഫോറത്തില്‍ മമ്മൂട്ടിയും അദ്ദേഹത്തിന്‍റെ കസബ എന്ന ചിത്രത്തെയും വിമര്‍ശനം ഉന്നയിച്ചതിന്റെ പേരില്‍ സോഷ്യല്‍ മീഡിയ അക്രമണങ്ങളെ തല ഉയര്‍ത്തിപ്പിടിച്ചു നേരിടാനായതാണ് പാര്‍വ്വതിയെ തെരഞ്ഞെടുക്കാന്‍ കാരണമായത്. പ്രശസ്ത ഡോക്ടര്‍ ഷിംന അസീസുമടക്കം നിരവധി മലയാളികള്‍ പട്ടികയില്‍ ഇടം നേടിയിട്ടുണ്ട്. നൂറുകണക്കിന് വരുന്ന കുടുംബങ്ങള്‍ക്ക് പ്രതിരോധ കുത്തിവെപ്പ് വാക്സിനായ മീസില്‍സ് റുബെല്ലയെ കുറിച്ചുള്ള ബോധവത്കരണം നടത്തിയതുവഴിയാണ് ഷിംന പട്ടികയില്‍ ഇടം പിടിച്ചത്.
Post Your Comments