പ്രശസ്ത സംവിധായകന്‍ പ്രിയദര്‍ശന്റെയും ലിസിയുടെയും മകള്‍ കല്യാണി അഭിനയിച്ച ആദ്യ തെലുങ്ക് ചിത്രം സൂപ്പര്‍ഹിറ്റിലേക്ക്. വിക്രം കുമാര്‍ സംവിധാനം ചെയ്ത ‘ഹലോ’ എന്ന ചിത്രമാണ്‌ കളക്ഷന്‍ റിക്കോര്‍ഡുകള്‍ തകര്‍ത്തു പ്രദര്‍ശനം തുടരുന്നത്.കല്യാണിയുടെ അഭിനയത്തിന് മികച്ച പ്രതികരണമാണ് ലഭിച്ചു കൊണ്ടിരിക്കുന്നത്. തെലുങ്ക് സൂപ്പര്‍ താരം നാഗര്‍ജുനയുടെ മകന്‍ അഖില്‍ അക്കിനേനി നായകനായി അഭിനയിക്കുന്ന ചിത്രം കൂടിയാണിത്. നാനൂറിലേറെ കേന്ദ്രങ്ങളില്‍ ഈ മാസം 22 നാണ് ചിത്രം പ്രദര്‍ശനത്തിനെത്തിയത്. മറ്റ് സംസ്ഥാനങ്ങളിലെ നൂറിലേറെ സ്ക്രീനുകളിലും റിലീസ് ചെയ്തിട്ടുണ്ട്. യു.എസ് , യു.കെ എന്നിവിടങ്ങളില്‍ 200ലേറെ സ്ക്രീനുകളിലും ചിത്രം പ്രദര്‍ശിപ്പിക്കുന്നുണ്ട്. മികച്ച റൊമാന്റിക് ആക്ഷന്‍ ത്രില്ലര്‍ എന്ന പ്രേക്ഷകാഭിപ്രായവും ചിത്രം നേടിയിട്ടുണ്ട്. ജഗപതി ബാബു,രമ്യാ കൃഷ്ണന്‍,അജയ്, മിഖയേല്‍ ഗാന്ധി തുടങ്ങിയ വന്‍ താരനിര തന്നെ ചിത്രത്തിലുണ്ട്. നാഗാര്‍ജുന തന്നെയാണ് ചിത്രം നിര്‍മ്മിച്ചിരിക്കുന്നത്.
Post Your Comments