‘പ്രേമം’ എന്ന ചിത്രത്തിലൂടെ മലര്‍ മിസ്സായി സിനിമാ കരിയര്‍ സ്റ്റാര്‍ട്ട്‌ ചെയ്ത നടി സായ് പല്ലവി തെന്നിന്ത്യയിലെ മുന്‍നിര നായികമാരില്‍ ഒരാളായി മാറിക്കഴിഞ്ഞു. സായ് പല്ലവി മുഖ്യ വേഷത്തിലെത്തിയ ‘ഫിദ’ എന്ന തെലുങ്ക് ചിത്രം സൂപ്പര്‍ ഹിറ്റായതാണ് താരത്തിനു വഴിത്തിരിവായത്, എന്നാല്‍ അതിനു ശേഷം വളരെ സെലക്ടീവായി മാത്രം ചിത്രങ്ങള്‍ ഏറ്റെടുക്കാറുള്ള സായ് ഒട്ടേറെ ചിത്രങ്ങള്‍ ഒഴിവാക്കി എന്നാണ് റിപ്പോര്‍ട്ട്, ‘ഫിദ’യുടെ നിര്‍മ്മാതാവ് മറ്റൊരു ചിത്രത്തിനായി സായിയെ സമീപിച്ചപ്പോള്‍ നോ പറഞ്ഞെന്നാണ് വിവരം, ‘ശ്രീനിവാസ കല്യാണം’ എന്ന പുതിയ തെലുങ്ക് ചിത്രത്തില്‍ നായികയാകാനുള്ള ക്ഷണമാണ് താരം നിരസിച്ചത്, കഥാപാത്രം ഇഷ്ടാമായില്ല എന്ന കാരണം പറഞ്ഞാണ് സായ് പല്ലവി ചിത്രത്തില്‍ നിന്നും ഒഴിവായത്.
Post Your Comments