അജിത്ത് ശിവ ഒന്നിക്കുന്ന നാലാമത് ചിത്രം വിശ്വാസത്തെക്കുറിച്ച് നേരത്തെ റിപ്പോര്‍ട്ടുകള്‍ വന്നിരുന്നു, ചിത്രത്തില്‍ നിവിന്‍ പോളിയും മുഖ്യ വേഷത്തിലുണ്ടാകുമെന്നു വാര്‍ത്തകള്‍ ഉണ്ടായിരുന്നു. അജിത്തിന്റെ സഹോദരനായി നിവിന്‍ പോളി പുതിയ ചിത്രത്തിലെത്തുമെന്നായിരുന്നു റിപ്പോര്‍ട്ട്, എന്നാല്‍ ഇത് സംബന്ധിച്ചുള്ള വാര്‍ത്തയുടെ സത്യാവസ്ഥ വിശദീകരിച്ചു നിവിന്‍ രംഗത്തെത്തി.
“ഞാനും അങ്ങനെയൊരു വാര്‍ത്ത കണ്ടിരുന്നു”, എന്നായിരുന്നു ഒരു ചാനലിനു നല്‍കിയ അഭിമുഖത്തില്‍ നിവിന്‍ ആദ്യമായി പങ്കുവെച്ചത്, ഈ സിനിമയില്‍ അഭിനയിക്കുന്നതിനായി തന്നെ ആരും സമീപിച്ചിട്ടില്ലെന്നും, അജിത്ത് സാറിനൊപ്പം അഭിനയിക്കാന്‍ അവസരം ലഭിച്ചാല്‍ അത് ഒരിക്കലും നിഷേധിക്കില്ലെന്നും നിവിന്‍ പോളി വ്യക്തമാക്കി. അജിത്ത്-ശിവ ടീമിന്റെ പുതിയ ചിത്രം ‘വിശ്വാസം’ ജനുവരിയില്‍ ചിത്രീകരണം ആരംഭിക്കും.
Post Your Comments