തമിഴിലെ സൂപ്പർ സ്റ്റാർ ചിയാൻ വിക്രം ദീർഘനാളത്തെ ഇടവേളകൾക്ക് ശേഷം മലയാള സിനിമയിലേക്ക് തിരിച്ചെത്തുന്നു എന്ന വാർത്ത അടുത്തിടെ സോഷ്യൽ മീഡിയ വഴി പ്രചരിച്ചിരുന്നു.അടുത്ത മാസം പുറത്തിറങ്ങുന്ന ബിജു മേനോൻ ചിത്രം റോസാപ്പൂവിലൂടെയാണ് വിക്രം മലയാളത്തിലേക്ക് എത്തുന്നതെന്നായിരുന്നു റിപ്പോർട്ടുകൾ.
നവാഗതനായ വിനു ജോസഫ് സംവിധാനം ചെയ്‌ത ഈ ചിത്രം തമീന്‍ ഫിലിംസിന്റെ ബാനറില്‍ ഷിബി തമീന്‍സാണ് നിര്‍മിക്കുന്നത്. വിക്രമിന്റെ ഇരുമുഖന്‍ നിര്‍മിച്ചത് അദ്ദേഹമാണ്. സാമിയുടെ രണ്ടാം ഭാഗമായ സാമി സ്ക്വയര്‍ നിര്‍മ്മിക്കുന്നതും ഇതേ ബാനറാണ്.ഇതാണ് റോസാപ്പൂവില്‍ വിക്രം എത്താനുള്ള സാഹചര്യമൊരുക്കുന്നത് എന്നാണ് റിപ്പോര്‍ട്ടുകള്‍ സൂചിപ്പിച്ചത്. എന്നാല്‍ വിക്രം റോസാപ്പൂവില്‍ ഇല്ലെന്ന വാർത്ത ഷിബി തമീന്‍സ് തന്നെ ട്വിറ്ററിലൂടെ ആരാധകരെ അറിയിച്ചു
Post Your Comments