തമിഴിലെ ഹിറ്റ് ചിത്രങ്ങളുടെ സംവിധായകനാണ് ശങ്കർ.റസൂൽ പൂക്കുട്ടി നായകനാകുന്ന പുതിയ ചിത്രത്തിന്‍റെ ഭാഗമായി നടന്ന ഒരു ചടങ്ങിൽ ശങ്കർ പങ്കെടുത്തിരുന്നു.ആ വേദിയിൽവെച്ച് റസൂൽ പൂക്കുട്ടി തൃശൂര്‍ പൂരം ലൈവായി ചിത്രീകരിക്കാൻ കഴിഞ്ഞതിനെക്കുറിച്ചുള്ള സന്തോഷം പങ്കിട്ടിരുന്നു. അതുകേട്ട് ശങ്കറും ചില കാര്യങ്ങൾ പറയുകയുണ്ടായി.
‘റസൂല്‍ പൂക്കുട്ടിയാണ് തൃശൂര്‍ പൂരത്തെക്കുറിച്ച് പറയുന്നത്. ലക്ഷക്കണക്കിന് ജനങ്ങള്‍ക്ക് നടുവില്‍ നിന്ന് നൂറുകണക്കിന് വാദ്യോപകരണങ്ങളുടെ അകമ്പടിയോടെ അതിശയകരമായ ഒരു ആഘോഷം. തൃശ്ശൂര്‍ പൂരത്തെക്കുറിച്ച് ഞാന്‍ നേരത്തേ അറിഞ്ഞിരുന്നുവെങ്കില്‍ എന്‍റെ ഏതെങ്കിലും സിനിമയില്‍ അത് ഉള്‍പ്പെടുത്തുമായിരുന്നു.
അന്യന്‍ സിനിമയില്‍ തിരുവൈയാറിലെ ത്യാഗരാജ ഉത്സവം കാണിക്കുന്നുണ്ട്. ചിത്രീകരണത്തിന് മുമ്പ് ഞാന്‍ ഇതേക്കുറിച്ച് കൂടുതല്‍ അറിയാന്‍ തിരുവൈയാറില്‍ പോയി. പക്ഷേ സിനിമയ്ക്ക് വേണ്ടി ലൈവായി ചിത്രീകരിക്കാന്‍ എനിക്ക് അനുവാദം കിട്ടിയില്ല. പക്ഷേ റസൂല്‍ പൂക്കുട്ടി അതും സാധിച്ചെടുത്തെന്നും ശങ്കർ പറഞ്ഞു.
Post Your Comments