വിഷ്ണു ഉണ്ണികൃഷ്ണനും ബിബിന്‍ ജോര്‍ജ്ജും തിരക്കഥ എഴുതുന്ന ചിത്രത്തില്‍ ദുല്‍ഖര്‍ സല്‍മാന്‍ നായകനായി എത്തുന്നുവെന്ന് നേരത്തെ വാര്‍ത്തകള്‍ ഉണ്ടായിരുന്നു. ‘അമര്‍ അക്ബര്‍ അന്തോണി’, ‘കട്ടപ്പനയിലെ ഹൃത്വിക് റോഷന്‍’ തുടങ്ങി ഹിറ്റ് ചിത്രങ്ങള്‍ ഒരുക്കിയ വിഷ്ണു ഉണ്ണികൃഷ്ണന്‍-ബിബിന്‍ ജോര്‍ജ്ജ് ടീം ദുല്‍ഖറിനായി ഒരു മുഴുനീള കോമഡി ചിത്രമൊരുക്കുന്നുവെന്നാണ് പുതിയ വാര്‍ത്ത. ചിത്രത്തിന്റെ സംവിധായകന്‍ ആരെന്ന കാര്യത്തില്‍ തീരുമാനം ഉണ്ടായിട്ടില്ല. വിഷ്ണു ഉണ്ണികൃഷ്ണനും, ബിബിന്‍ ജോര്‍ജ്ജും ചേര്‍ന്നാണ് ഈ ചിത്രം സംവിധാനം ചെയ്യുന്നതെന്നും റിപ്പോര്‍ട്ടുകളുണ്ട്, അങ്ങനെയെങ്കില്‍ അവരുടെ ആദ്യ സംവിധാന സംഭരംഭമാകും ഇത്, എന്നാല്‍ ഇതിനെ കുറിച്ചുള്ള ഒദ്യോഗിക സ്ഥിരീകരണം പുറത്തു വന്നിട്ടില്ല. ഇവര്‍ തിരക്കഥ രചിക്കുന്ന മൂന്നാമത് ചിത്രത്തില്‍ ദുല്‍ഖര്‍ സല്‍മാന്‍ നായകനായി എത്തുമെന്നത് ഏകദേശം ഉറപ്പായി കഴിഞ്ഞു.
Post Your Comments