മലയാളത്തിലെ മികച്ച കൂട്ടുകെട്ടായിരുന്നു സുരേഷ് ഗോപിയും മോഹന്‍ലാലും. ഇരുവരും ഒരുമിച്ചുള്ള ധാരാളം ചിത്രങ്ങളുണ്ട്. ക്രിസ്ത്യന്‍ ബ്രദേസ് പോലുള്ള ചിത്രങ്ങള്‍ ഇപ്പോഴും ആരാധകര്‍ക്ക് ആവേശമായി ഉണ്ടാകാറുണ്ട്. ഇപ്പോള്‍ സോഷ്യല്‍ മീഡിയയില്‍ തരംഗമായിരിക്കുകയാണ് താര പുത്രന്മാര്‍ ഒന്നിച്ചുള്ള ചിത്രം.
താരപുത്രന്‍മാരായ പ്രണവ് മോഹന്‍ലാലും ഗോകുല്‍ സുരേഷ് ഗോപിയും ഒന്നിച്ചുള്ള ചിത്രമാണ് വൈറലാകുന്നത്. ജീത്തു ജോസഫ് ഒരുക്കുന്ന ആദി എന്ന ചിത്രത്തിലൂടെ നായകനായി അരങ്ങേറ്റം കുറിക്കാനൊരുങ്ങുകയാണ് പ്രണവ്. സുരേഷ് ഗോപിയുടെ മകനായ ഗോകുലാവട്ടെ മുദ്ദുഗൗ എന്ന ചിത്രത്തിലൂടെ സിനിമയില്‍ അരങ്ങേറ്റം കുറിച്ചു കഴിഞ്ഞു.
നിരവധി ചിത്രങ്ങളില്‍ ഒന്നിച്ച്‌ അഭിനയിച്ചവരാണ് മോഹന്‍ലാലും സുരേഷ് ഗോപിയും. ഇനി താരപുത്രന്‍മാര്‍ എന്ന് ഒന്നിക്കുമെന്ന് കാത്തിരിക്കുകയാണ് ആരാധകര്‍.
Post Your Comments