ജോഷി- മമ്മൂട്ടി കൂട്ടുകെട്ടിലെ പ്രാധാന ചിത്രങ്ങളിലെല്ലാം മുകേഷും ഉണ്ട്. തന്റെ ചിത്രങ്ങളില്‍ മുകേഷിന് മികച്ച വേഷംനല്‍കാന്‍ ജോഷി എപ്പോഴും ശ്രദ്ധിക്കാറുമുണ്ട്. ശ്യാമ, ദിനരാത്രങ്ങള്‍, സംഘം, മഹായാനം, നായര്‍സാബ് തുടങ്ങിയവ ചില ഉദാഹരണങ്ങള്‍. ഒന്ന് നോക്കിയാല്‍ ഈ ജോഷി ചിത്രങ്ങളുടെ കഥാപാത്ര മികവില്‍ നായക നിരയിലേക്ക് കടന്നു കയറുകയായിരുന്നു മുകേഷ് എന്ന് പറയാം. എന്നാല്‍ ജോഷി – മമ്മൂട്ടി കൂട്ടുകെട്ടില്‍ ഒരുങ്ങിയ സൂപ്പര്‍ഹിറ്റ് ചിത്രമായ ധ്രുവത്തില്‍ നിന്നും മുകേഷ് പിന്മാറി.
എസ് എന്‍ സ്വാമി രചിച്ച നരസിംഹ മന്നാഡിയരുടെ കഥ പറഞ്ഞ ചിത്രത്തില്‍ മമ്മൂട്ടി അവതരിപ്പിച്ച നരസിംഹ മന്നാഡിയരുടെ അനിയന്‍ വീരസിംഹനെ അവതരിപ്പിക്കാന്‍ ആദ്യം തീരുമാനിച്ചത് മുകേഷിനെ ആയിരുന്നു. പക്ഷെ ആ വേഷം മുകേഷ് നിരസിച്ചു. പത്തോളം ചിത്രങ്ങളില്‍ കരാര്‍ ആയതിനെതുടര്‍ന്നാണ് മുകേഷ് ഈ ചിത്രത്തില്‍ നിന്നും പിന്മാറിയത്.
ഇതിനെ തുടര്‍ന്ന് ആദ്യകാല നായകന്‍ റഹ്മാനെ ആവേശത്തിലേക്ക് പരിഗണിക്കാമെന്നും ഈ കഥാപാത്രം റഹ്മാന്റെ തിരിച്ചു വരവിനു കളമൊരുക്കുമെന്നും അഭിപ്രായം ഉയര്‍ന്നു. കൂടാതെ സുരേഷ് ഗോപിയടക്കമുള്ള താരങ്ങളെ ഈ വേഷതിലെയ്ക്ക് ആലോചിച്ചു. ഒടുവില്‍ വീരസിംഹന്‍ ആകാന്‍ അനുയോജ്യന്‍ ജയറാം ആണെന്ന് കണ്ടെത്തുകയും തീരുമാനിക്കുകയുമായിരുന്നു.
Post Your Comments