ഒസാമ ബിന്‍ ലാദന്റെ ജീവിതം സിനിമയാകുന്നു. ഷേക്സ്പിയറുടെ ദുരന്ത നാടകങ്ങളുടെ സിനിമാവിഷ്കാരത്തിലൂടെ ശ്രദ്ധേയനായ വിശാല്‍ ഭരദ്വാജാണ് ബിന്‍ ലാദന്റെ ജീവിതം ഒരുക്കുന്നത്. അബോട്ടാബാദ് എന്നതാണ് ചിത്രത്തിനു പേരിട്ടിരിക്കുന്നത്. കാതറിന്‍ സ്കോട്ട് ക്ലാര്‍ക്ക്, ആഡ്രിയന്‍ ലെവി എന്നിവര്‍ ചേര്‍ന്ന് രചിച്ച ദ എക്സൈല്‍: ദ സ്റ്റണിങ്ങ് ഇന്‍സൈഡ് സ്റ്റോറി ഓഫ് ഒസാമ ബിന്‍ ലാദന്‍ ആന്‍ഡ് അല്‍ ഖ്വയ്ദ ഇന്‍ ഫ്ളൈറ്റ് എന്ന പുസ്തകമാണ് സിനിമയ്ക്ക് ആധാരം.
2001 മുതല്‍ നേരിട്ടു കൊണ്ടിരിക്കുന്ന തീവ്രവാദവും അതിന്‍റെ വ്യാപനവുമാണ് ചിത്രത്തിന്‍റെ പ്രമേയം. എന്നാല്‍ സിനിമയെ കുറിച്ചുള്ള മറ്റ് വിവരങ്ങള്‍ ഇതുവരെ പുറത്ത് വിട്ടിട്ടില്ല. ചിത്രത്തിലെ പ്രധാന അഭിനേതാക്കളെ കുറിച്ചുള്ള വിവരങ്ങളും വെളിപ്പെടുത്തിയിട്ടില്ല.
ഭരദ്വാജിന്‍റെ സംവിധാനത്തില്‍ അവസാനം എത്തിയ ചിത്രം രണ്‍ഗൂണ്‍ തിയേറ്ററുകളില്‍ പരാജയമായിരുന്നു. കങ്കണയും സെയ്ഫ് അലി ഖാനും ഷാഹിദ് കപൂറുമായിരുന്നു രണ്‍ഗൂണിലെ പ്രധാന താരങ്ങള്‍.
Post Your Comments