ചുരുങ്ങിയ കാലം കൊണ്ട് മലയാള സിനിമാ ലോകത്ത് ശ്രദ്ധേയനായി മാറിയ സൗബിൻ ഷാഹിർ ആദ്യമായി സംവിധാനം ചെയ്‌ത ചിത്രമാണ് ‘പറവ’. ചിത്രം തീയേറ്ററുകളിൽ ഹിറ്റായി ഓടികൊണ്ടിരിക്കുമ്പോൾ സിനിമ പ്രവർത്തകർ തന്നെ ചിത്രത്തെ പുകഴ്ത്തുകയാണ്.ഈ പറവ പൊളിയാണെന്ന് പറഞ്ഞു കൊണ്ട് വരുന്നത് മറ്റാരുമല്ല നടി പർവ്വതിയാണ് .ചിത്രം കണ്ടുകഴിഞ്ഞ് ഫേസ്ബുക്കിലൂടെയാണ് നടി സ്വന്തം അഭിപ്രായം വ്യക്തമാക്കിയത്. .
പ്രാവ് പറത്തൽ ഹരമായ കുറെ ആളുകളുടെ ജീവിതമാണ് ചിത്രത്തിൻറ്റെ പശ്ചാത്തലം. ചിത്രത്തെ കുറിച്ച് പാർവ്വതി പറഞ്ഞതിങ്ങനെ.
പറവ കണ്ടു. ഇന്നലെ രാത്രി തന്നെ എഫ്ബിയിൽ ഒരു കമൻറുമിട്ടു. നേരം വെളുത്തിട്ടും ഉച്ചയാകാറായിട്ടും ഇച്ചാപ്പിയും(അമൽ ഷാ ) ഹസീബും (ഗോവിനൽ പൈ ) മനസ്സിൽ നിന്ന് മായുന്നില്ല. ഇച്ചാപ്പിയും ഉമ്മയും, ഇച്ചാപ്പിയുടെ ഒമ്പതാം ക്ലാസ്സിലെ ടീച്ചറും, സുറുമിയും സുറുമിയുടെ ഇടവും വലവും കാവൽ നിൽക്കുന്ന കൂട്ടുകാരികളും, ,സിക്സ് ഫോർ മട്ടാഞ്ചേരി ടീമും. ഇവരോടൊപ്പം സമയം ചിലവഴിച്ച് മതിയായില്ല. 2 മണിക്കൂർ 27 മിനിറ്റിൽ അവരുടെ ലോകത്തേക്കുള്ള ജാലകം സൗബിൻ അടച്ച് കളഞ്ഞു. മതി കണ്ടത് എന്ന് പറഞ്ഞത് പോലെ! കണ്ട് മതിയായില്ല. ഇനിയും ജീവിക്കണം അവരുടെ ലോകത്തിൽ.
Post Your Comments