റോഡില്‍ പാടിയ കുട്ടിക്ക് സിനിമയില്‍ അവസരമൊരുക്കി നടന്‍ ജയസൂര്യ

 

കഴിഞ്ഞ ദിവസം സോഷ്യല്‍ മീഡിയയില്‍ ചര്‍ച്ച ഒരു കുഞ്ഞു ഗായികയായിരുന്നു. റോഡരുകില്‍ പാടിയ ആ പെണ്‍കുട്ടിയുടെ വീഡിയോ നടന്‍ ജയസൂര്യ ഫേസ് ബുക്കില്‍ ഇടുകയും കുട്ടിയെ കുറിച്ച് അന്വേഷിക്കുകയും ചെയ്തിരുന്നു. ഈ കുട്ടിയുടെ വിവരങ്ങൾ അറിയിക്കണമെന്നും അത്ഭുതപ്രതിഭ തന്നെയാണ് ഈ മിടുക്കിയെന്നും ജയസൂര്യ വീഡിയോയ്ക്കൊപ്പം കുറിച്ചു. ഇതോടെ നിരവധിയാളുകള്‍ കുട്ടിയുടെ പേരും വിവരവും കമന്റ് ചെയ്തു. ഇപ്പോള്‍ ആ കുട്ടിയെ കണ്ടു കിട്ടിയ സന്തോഷത്തിലാണ് താരം.

വിവരങ്ങള്‍ അറിഞ്ഞ ജയസൂര്യ  കുട്ടിയുടെ വീട്ടിലേക്ക് വിളിച്ചു. കായംകുളം സ്വദേശിയായ ശിവഗംഗയ്ക്കാണ് ഈ ഭാഗ്യം ലഭിച്ചത്. ശിവഗംഗയുടെ അമ്മയാണ് ഫോണ്‍ അറ്റന്റ് ചെയ്തത്. ബുദ്ധിമുട്ടാകില്ലെങ്കിൽ തന്റെ വീട്ടിൽ വരാമോയെന്നും ആ അമ്മയോടും മകളോടും ജയസൂര്യ ചോദിച്ചു.

അവർ രാവിലെ തന്നെ ജയസൂര്യയുടെ വീട്ടിലെത്തി. ശിവഗംഗ സ്വപ്നത്തില്‍ പോലും വിചിരിക്കാത്ത സമ്മാനമാണ് ജയസൂര്യ നല്‍കിയത്. മറ്റൊന്നുമല്ല താരത്തിന്റെ അടുത്ത ചിത്രത്തിലെ ഒരു ഗാനം ആലപിക്കാനും ഒപ്പം ആ സിനിമയിൽ തന്നെ അദ്ദേഹത്തിനൊപ്പം അഭിനയിക്കാനുമുള്ള അവസരം. ഈ വിവരവും ജയസൂര്യ ഫേസ്ബുക്കിലൂടെ അറിയിച്ചു.

ജയസൂര്യയുടെ ഫേസ്ബുക്ക് പോസ്റ്റ്…

സന്തോഷത്തോടെ ഒരു കാര്യം അറിയിക്കട്ടെ ..

ഇന്നലെ F B യിൽ കണ്ട ”ശിവഗംഗ” എന്ന മോളാണ് , രാജേഷ് ജോർജ്ജ് കുളങ്ങര നിർമ്മിക്കുന്ന നവാഗത സംവിധായകനായ “Samji Antony” സംവിധാനം ചെയ്യുന്ന, ഞാൻ നായകനായി എത്തുന്ന “ഗബ്രി” എന്ന ചിത്രത്തിലെ ഗായിക…
(ഒപ്പം ഒരു പ്രധാന കഥാപാത്രം ചെയ്യുന്നതും ശിവഗംഗ തന്നെ.)
മോൾടെ വിവരങ്ങൾ തന്ന എല്ലാ നല്ല മനസ്സുകൾക്കും എന്റെ നന്ദി. കൂടാതെ ആ വീഡിയോ എടുത്ത ചങ്ങാതിയ്ക്കും ..??