മയൂഖം എന്ന ഹരിഹരന്‍ ചിത്രത്തിലൂടെ ശ്രദ്ധേയനായ താരമാണ് സൈജുകുറുപ്പ്. നായക കഥാപാത്രമായി എത്തിയ സൈജു കുറുപ്പ് പിന്നീടു സഹതാരമായാണ് പ്രേക്ഷകര്‍ക്കിടയില്‍ ഹീറോ ആയത്. ലാല്‍ ജോസ്- ദിലീപ് ടീമിന്‍റെ മുല്ല എന്ന ചിത്രത്തില്‍ ശ്രദ്ധേയമായ നെഗറ്റിവ് വേഷം അവതരിപ്പിച്ച സൈജു കുറുപ്പ് പിന്നീടു കോമഡിയിലേക്ക് റൂട്ട് മാറ്റുകയായിരുന്നു. ട്രിവാഡ്രം ലോഡ്ജ് ആട് ഒരു ഭീകര ജീവിയാണ്, തുടങ്ങിയ സിനിമകളിലെ സൈജു കുറുപ്പിന്റെ കോമഡി വേഷങ്ങള്‍ ഏറെ ശ്രദ്ധിക്കപ്പെട്ടിരുന്നു. ഈ ഓണക്കാലത്ത് ഇറങ്ങിയ ഞണ്ടുകളുടെ നാട്ടില്‍ ഒരിടവേള എന്ന ചിത്രത്തില്‍ സൈജു കുറുപ്പ് സ്വന്തം പേരായ സൈജു എന്ന കഥാപാത്രമായിട്ടാണ് പ്രേക്ഷകര്‍ക്ക് ചിരി നല്‍കാന്‍ എത്തുന്നത്. ഒരു രസികന്‍ ഡോക്ടറുടെ റോളിലാണ് സൈജു കുറുപ്പ് അഭിനയിച്ചിരിക്കുന്നത്. ചിത്രത്തില്‍ ഏറെ കയ്യടി നേടുന്ന ഈ കഥാപാത്രം ഒന്ന് രണ്ടു സീനുകളില്‍ മാത്രമേ എത്തുന്നുള്ളൂവെങ്കിലും പ്രേക്ഷകര്‍ മറക്കാത്ത വ്യത്യസ്ത തരം കഥാപാത്മ്രായി ഈ വേഷം അവരിലേക്ക്‌ മാര്‍ക്ക് ചെയ്യപ്പെടുന്നുണ്ട്.
Post Your Comments