വൈശാഖ് മമ്മൂട്ടിയെ നായകനാക്കി സംവിധാനം ചെയ്യാനിരിക്കുന്ന പോക്കിരി 2 വില്‍ പൃഥ്വിരാജും അഭിനയിച്ചേക്കുമെന്ന് സൂചന. അമേരിക്കയില്‍ ഷൂട്ടിംഗ് തിരക്കിലായ പൃഥ്വിരാജ് തന്നെയാണ് ഇതുമായി ബന്ധപ്പെട്ടു സൂചന നല്‍കിയത്. കഴിഞ്ഞ ദിവസം പിറന്നാള്‍ ആഘോഷിച്ച മമ്മൂട്ടിക്ക് ആശംസകള്‍ അറിയിച്ചു കൊണ്ടായിരുന്നു പൃഥ്വിരാജിന്‍റെ ഫേസ്ബുക്ക് പോസ്റ്റ്‌. പോക്കിരി രാജയിലെ ചിത്രം പങ്കുവച്ചുകൊണ്ടായിരുന്നു വീണ്ടും മമ്മൂട്ടിയുമായി ഒന്നിക്കുന്നതിനെക്കുറിച്ച് പൃഥ്വിരാജ് സൂചന നല്‍കിയത്. 2010-ല്‍ പുറത്തിറങ്ങിയ പോക്കിരി രാജ വൈശാഖിന്റെ കന്നി ചിത്രമായിരുന്നു. ചിത്രം ബോക്സോഫീസില്‍ വലിയ നേട്ടം സ്വന്തമാക്കിയിരുന്നു. ‘രണം’ എന്ന പുതിയ സിനിമയുടെ ചിത്രീകരണവുമായി ബന്ധപ്പെട്ട് അമേരിക്കയിലാണ് പൃഥ്വിരാജ്.
Post Your Comments