ഓണത്തിന് തിയേറ്ററുകളിലെത്തിയ നിവിന്‍ പോളി നായകനായ ഞണ്ടുകളുടെ നാട്ടില്‍ ഒരിടവേള പ്രേക്ഷകരില്‍ നിന്ന് മികച്ച പ്രതികരണങ്ങള്‍ നേടി മുന്നേറുകയാണ്. ഈ ചിത്രത്തെ അഭിനന്ദിച്ച്‌ നടിയും സംവിധായികയുമായ ഗീതു മോഹന്‍ദാസും രംഗത്തെത്തി.
ഫേസ്ബുക്കിലൂടെയാണ് ഗീതു മോഹന്‍ദാസിന്‍റെ അഭിനന്ദനം. കഴിവുള്ള യുവാക്കളാണ് ചിത്രത്തിന് വേണ്ടി പ്രവര്‍ത്തിച്ചിട്ടുള്ളത്. ചിത്രത്തിന്‍റെ ബോക്സ് ഓഫീസ് വിജയത്തില്‍ സിനിമയുടെ പിന്നണിയില്‍ പ്രവര്‍ത്തിച്ച എല്ലാവര്‍ക്കും അഭിനന്ദനം അറിയിക്കുന്നെന്ന് ഗീതു മോഹന്‍ദാസ് പറഞ്ഞു.
ഗീതു മോഹന്‍ദാസിന്‍റെ അടുത്ത ചിത്രം ‘മൂത്തോന്‍’-ല്‍ നിവിന്‍ പോളി ആണ് നായകന്‍. ഇതും ഗീതു മോഹന്‍ദാസ് ഫേസ്ബുക്ക് കുറിപ്പില്‍ പരാമര്‍ശിച്ചിട്ടുണ്ട്.
Post Your Comments