അഭിനയം തുടരും പക്ഷെ ഒരു കാര്യത്തില്‍ നിര്‍ബന്ധമുണ്ട്; ശ്രീശാന്ത്

മലയാള സിനിമയില്‍ നായകകഥാപാത്രമായി വന്ന ശേഷം ബോളിവുഡില്‍ അഭിനയിക്കാന്‍ തയ്യാറെടുക്കുകയാണ് ഇന്ത്യന്‍ ക്രിക്കറ്റ് താരം ശ്രീശാന്ത്. അഭിനവ് ശുക്‌ളയും സറീന്‍ഖാനും അഭിനയിക്കുന്ന അസ്‌ക്കര്‍ 2 എന്ന ചിത്രത്തിലൂടെയാണ് ശ്രീശാന്തിന്റെ ബോളിവുഡ് അരങ്ങേറ്റം.ആനന്ദ് നാരായണനാണ് ചിത്രം സംവിധാനം ചെയ്യുന്നത്.

“അസ്‌ക്കര്‍ 2 പ്രതീക്ഷയുള്ള ചിത്രമാണ്.ഞാനൊരു തെന്നിന്ത്യന്‍ ചിത്രം ചെയ്തിരുന്നു. അസ്‌കര്‍ 2 എനിക്ക് കിട്ടിയ വലിയ അവസരമാണ്. നല്ല തിരക്കഥകള്‍ ലഭിച്ചാല്‍ ഇനിയും അഭിനയിക്കും.” ശ്രീശാന്ത് വ്യക്തമാക്കി. ടീം ഫൈവ് എന്ന മലയാള ചിത്രത്തില്‍ ശ്രീശാന്ത് ആയിരുന്നു നായക കഥാപാത്രത്തെ അവതരിപ്പിച്ചത്.