നീണ്ട ഒരു ഇടവേളയ്ക്കു ശേഷം ഒരു തിരിച്ചുവരവിന് ഒരുങ്ങുകയാണ് തമിഴ് സൂപ്പർ താരം ശരത് കുമാർ. എന്നാൽ ഈ വരവിൽ തന്റെ എതിരാളി മറ്റൊരു സൂപ്പർ താരത്തിന്റെ ഭാര്യയും മികച്ച നടിയുമായ ജ്യോതികയാവുമെന്ന് സ്വപ്നത്തിൽ പോലും കരുതിയിരിക്കില്ല.
2013 ൽ പുറത്തിറങ്ങിയ,ശരത് കുമാർ ഒരു പ്രധാന കഥാപാത്രത്തെ അവതരിപ്പിച്ച തമിഴ് ചിത്രം ചെന്നൈയിൽ ഒരു നാൾ എന്ന ചിത്രത്തിന്റെ , രണ്ടാം ഭാഗം ചെന്നൈയിൽ ഒരു നാൾ 2 എന്ന ചിത്രത്തിലൂടെയാണ് ശരത് കുമാർ തന്റെ തിരിച്ചു വരവ് അറിയിക്കുന്നത്. നെപ്പോളിയൻ,സുഹാസിനി തുടങ്ങിയ താരങ്ങളും അണിനിരക്കുന്ന , കെ റാം മോഹൻ നിർമ്മിച്ച് ജെ പി ആർ സംവിധാനം ചെയ്യുന്ന ഈ ചിത്രം ഒരു ക്രൈം നോവലിനെ ആസ്പദമാക്കിയുള്ളതാണെന്നാണ് റിപോർട്ടുകൾ.
എന്നാൽ സെപ്റ്റംബർ 15 നു ഇറങ്ങുന്ന ഈ ചിത്രത്തിന്റെ പ്രധാന ഭീക്ഷണി അന്നേ ദിവസം തന്നെ പുറത്തിറങ്ങുന്ന ജ്യോതികയുടെ മഗലിർ മട്ടും എന്ന ചിത്രമായിരിക്കും എന്നാണ് ഇപ്പോൾ അറിയാൻ കഴിയുന്നത്. അഭിനയത്തിൽ തന്റെ കഴിവ് മുൻപേ തെളിയിച്ച നടിയാണ് ജ്യോതിക. കൂടാതെ ഉർവശി, ശരണ്യ പൊൻവണ്ണൻ,ഭാനുമതി തുടങ്ങിയ താരങ്ങളും ഈ ചിത്രത്തെ കൂടുതൽ മികച്ചതാക്കാൻ ഒപ്പമുണ്ട്. ബ്രമ്മയുടെ സംവിധാനത്തിൽ നടനും ജ്യോതികയുടെ ഭർത്താവുമായ സൂര്യ തന്നെയാണ് ചിത്രത്തിന്റെ നിർമ്മാണം നിർവഹിച്ചിരിക്കുന്നത്. എന്തുകൊണ്ടും ഈ ചിത്രം ശരത് കുമാറിന് ഒരു വെല്ലുവിളി ആയിരിക്കുമെന്നതിൽ സംശയമില്ല. ആയതിനാൽ ശരത് കുമാറിന്റെ തിരിച്ചു വരവിനു മങ്ങലേൽക്കുമോയെന്നു കണ്ടുതന്നെ അറിയണം.
Post Your Comments