തമിഴ് നടൻ അജിത്തിന്റെ വിവേഗം തിയറ്ററുകളില്‍ പ്രദർശനം തുടരുകയാണ്. തിയറ്ററുകളെ ഇറക്കി മറച്ച ചിത്രം ആദ്യ വാരം കൊണ്ട് തന്നെ 100 കോടി ക്ലബ്ബിലെത്തിയിരുന്നു. ഇതിനുപുറമെയാണ് അജിത്തിന്റെ മറ്റൊരു വിജയ ചിത്രമായ വീരം ബോളിവുഡിലേക്ക് എന്ന വാർത്ത കേൾക്കുന്നത്. വിവേഗം പോലെത്തന്നെ സംവിധായകന്‍ ശിവ അജിത്ത് കൂട്ടുകെട്ടില്‍ പിറന്ന, താരത്തെ പ്രശസ്തിയിലേക്കെത്തിച്ച ചിത്രമായിരുന്നു വീരം. 2014 ല്‍ തിയറ്ററുകളിലേക്കെത്തിയ സിനിമ ബോളിവുഡിലേക്ക് കൂടി നിര്‍മ്മിക്കാന്‍ പോവുകയാണ്.
വീരം സിനിമയുടെ കഥ ബോളിവുഡിലെ സൂപ്പര്‍ സ്റ്റാര്‍ അക്ഷയ് കുമാറിനെ സ്വാധീനിച്ചെന്നാണ് പറയുന്നത്. അതിനാല്‍ തന്നെ അടുത്ത അക്ഷയ് കുമാര്‍ ചിത്രമായി തമിഴില്‍ നിന്നും വീരം ഹിന്ദിയിലെത്തുമെന്നാണ് അറിയാൻ കഴിയുന്നത് സിനിമ അടുത്ത വര്‍ഷം നിര്‍മ്മിക്കാനാണ് പദ്ധതി ഇട്ടിരിക്കുന്നത്. എന്നാല്‍ അക്ഷയ് കുമാര്‍ നായകനായി അഭിനയിച്ചു കൊണ്ടിരിക്കുന്ന പത്മന്‍ എന്ന സിനിമയുടെ ചിത്രീകരണം തമിഴ്‌നാട്ടില്‍ പുരോഗമിച്ചു കൊണ്ടിരിക്കുകയാണ് . അതിനിടെയാണ് വീരം ബോളിവുഡിലേക്ക് നിര്‍മ്മിക്കുന്നതിനെ കുറിച്ചുള്ള റിപ്പോര്‍ട്ടുകള്‍ വന്നത്.
Post Your Comments