മോഹന്‍ലാല്‍- ലാല്‍ ജോസ് ടീമിന്‍റെ ഓണച്ചിത്രം വെളിപാടിന്റെ പുസ്തകം നാളെ കേരളത്തിലെ 200 കേന്ദ്രങ്ങളില്‍ പ്രദര്‍ശനത്തിനെത്തും. കേരളത്തിലെ മോഹന്‍ലാലിന്‍റെ ഫാന്‍സ്‌ അസോസിയേഷനുകള്‍ താര ചിത്രത്തെ വരവേല്‍ക്കാന്‍ വിപുലമായ പരിപാടികളാണ് സംഘടിപ്പിച്ചിട്ടുള്ളത്. പല കേന്ദ്രങ്ങളിലും രാവിലെ ആറു മണിമുതല്‍ ഷോ ആരംഭിക്കും. കുടുംബ പ്രേക്ഷകരെ ലഷ്യമിടുന്ന ചിത്രം മോഹന്‍ലാല്‍- ലാല്‍ ജോസ് കൂട്ടുകെട്ടിലെ ആദ്യ ചിത്രമാണ്. കാമ്പസ് പശ്ചാത്തലവും, കടലോര പശ്ചാത്തലവും ചിത്രത്തിന് പ്രമേയമാകുന്നു. ബെന്നി പി നായരമ്പലം രചന നിര്‍വഹിച്ചിരിക്കുന്ന ചിത്രം നിര്‍മിക്കുന്നത് ആശിര്‍വാദിന്റെ ബാനറില്‍ ആന്റണി പെരുമ്പാവൂരാണ്. അങ്കമാലി ഡയറീസിലൂടെ ശ്രദ്ധേയായ രേഷ്മ രാജനാണ് ചിത്രത്തിലെ നായികയാകുന്നത്. വിഷ്ണു ശര്‍മ്മ ക്യാമറ കൈകാര്യം ചെയ്തിരിക്കുന്ന ചിത്രത്തിന്‍റെ എഡിറ്റിംഗ് രഞ്ജന്‍ എബ്രഹാമാണ്.
സലിം കുമാര്‍,സിദ്ധിക്ക് ,അനൂപ്‌ മേനോന്‍, ശരത്ത് കുമാര്‍(അപ്പാനി രവി), ചെമ്പന്‍ വിനോദ്, കലാഭവന്‍ ഷാജോണ്‍, അലന്‍സിയര്‍, ജൂഡ് ആന്റണി, ശിവജി ഗുരുവായൂര്‍, എന്നിവരാണ് ചിത്രത്തിലെ മറ്റു താരങ്ങള്‍.ഷാന്‍ റഹ്മാനാണ് ചിത്രത്തിന്‍റെ സംഗീതം.
Post Your Comments