വെള്ളിത്തിരയിലെ മിന്നും തരങ്ങളെ കാണാന്‍ ആരാധകര്‍ക്ക് എന്നും ആവേശമാണ്. കഴിഞ്ഞ ദിവസം കൊച്ചിയില്‍ സണ്ണിലിയോണ്‍ എത്തിയപ്പോള്‍ ഉണ്ടായ തിരക്കും ലാത്തിച്ചാര്‍ജ്ജും ഒരു ഉദാഹരണം മാത്രം. ആരാധകരെ ആവേശത്തിലാക്കുന്ന നിരവധി കഥാപാത്രങ്ങള്‍ക്ക് ജീവന്‍ നല്കിയ സൂപ്പര്‍സ്റ്റാര്‍ രജനികാന്ത് സ്വന്തം വീടിന്റെ മുന്നില്‍ പ്രത്യക്ഷപ്പെട്ടതിന്റെ ആവേശത്തിലാണ് ഒരു തമിഴ് കുടുംബം.
അമേരിക്കയിലെ ഒരു തമിഴ് കുടുംബത്തിനാണ് ഈ അനുഭവം ഉണ്ടായത്. ഉറക്കമെഴുന്നേറ്റ് വാതില്‍ തുറന്ന കുടുംബാംഗങ്ങള്‍ കാണുന്നത് തമിഴ് സൂപ്പര്‍ സ്റ്റാര്‍ രജനീകാന്ത് തങ്ങളുടെ വീടിന് പുറത്ത് വന്നു നില്‍ക്കുന്നതാണ്. ഇഷ്ട താരത്തെ കണ്ട് ഞെട്ടിയ അവരോട് സാക്ഷാല്‍ രജിനി തന്നെ ”വീടിനുള്ളില്‍ പ്രവേശിക്കാമോ” എന്ന് ചോദിച്ചു.
അമേരിക്കയില്‍ അവധിക്കാലം ചിലവിടുന്ന രജിനി പ്രഭാത സവാരിക്ക് ഇറങ്ങിയപ്പോഴാണ് തന്റെ ആരാധക കുടുംബത്തെ കണ്ടുമുട്ടിയത്. വീട്ടിനുള്ളില്‍ പ്രവേശിച്ച രജിനിയെ ഉറക്കമെഴുന്നേറ്റ് വന്ന കുട്ടികള്‍ കണ്ട് ആവേശത്തിലായി. അപ്രതീക്ഷിതമായി വീട്ടിലെത്തിയ താരത്തോട് ഒരിക്കലും അഭിനയം അവസാനിപ്പിക്കരുതെന്ന് വീട്ടിലെ ഗൃഹനാഥന്‍ പറയുന്നുണ്ട്. ചായ സത്കാരത്തിന് ശേഷമാണ് സൂപ്പര്‍സ്റ്റാര്‍ തന്റെ ആരാധക കുടുംബത്തില്‍ നിന്നും മടങ്ങിയത്.
Post Your Comments