നടിമാര്‍ക്കെതിരെയുള്ള കാസ്റ്റിംഗ് കൌച്ചും പീഡനവും മലയാള സിനിമാ മേഖലയില്‍ നിന്നും പുറത്തു വരുകയാണ്. ഇത്തരം വാര്‍ത്തകള്‍ നിരന്തരം മാധ്യമങ്ങളില്‍ നിറയുമ്പോള്‍ അന്താരാഷ്ട്ര സിനിമയും ഇതില്‍ നിന്നും വ്യത്യസ്തമല്ലെന്നു പുറത്തു വരുന്ന വാര്‍ത്തകള്‍ സൂചിപ്പിക്കുന്നു. വിഖ്യാത ഫ്രഞ്ച്പോളിഷ് സിനിമ സംവിധായകന്‍ റൊമന്‍ പൊളാന്‍സ്കിയ്ക്കെതിരെ ലൈംഗിക പീഡന ആരോപണവുമായി യുവതി രംഗത്ത്.
നാല്‍പ്പത്തി ഒന്ന് വര്‍ഷം മുന്‍പ് തന്റെ പതിനാറാമത്തെ വയസ്സില്‍ പൊളന്‍സ്കി തന്നെ ലൈംഗീകമായി ഉപയോഗിച്ചുവെന്ന ആരോപണവുമായാണ് റോബിന്‍ എന്ന സ്ത്രീ രംഗത്ത് എത്തിയിരിക്കുന്നത്. ദക്ഷിണ ലോസ് എഞ്ചസില്‍ 1976 ലാണ് ലൈംഗിക പീഡനം നടന്നത്. ലോസ് ഏഞ്ചസില്‍ നടത്തിയ പത്ര സമ്മേളനത്തില്‍ റോബിന്‍ ആരോപിച്ചു. തന്റെ കക്ഷി ഇത് സംബന്ധിച്ച കൂടുതല്‍ വിവരങ്ങള്‍ പങ്ക് വയ്ക്കാന്‍ പോകുന്നില്ലെന്ന് അഭിഭാഷക ഗ്ലോറിയ ആല്‍ഫ്രെഡ് പറഞ്ഞു.
സംവിധായകന്‍ റൊമന്‍ പൊളാന്‍സ്കിയ്ക്കെതിരെ ഉയര്‍ന്നുവരുന്ന രണ്ടാമത്തെ ലൈംഗിക പീഡന ആരോപണം ആണ്. ഏഴു വര്‍ഷം മുന്‍പ് 2010 ല്‍ ബ്രിട്ടീഷ് നടി ചാര്‍ലറ്റ് ലെവീസ് പൊളാന്‍സ്കിയ്ക്കെതിരെ ലൈംഗിക ആരോപണം ഉന്നയിച്ചിരുന്നു.
Post Your Comments