ചുരുങ്ങിയ കാലം കൊണ്ട് മലയാളത്തില്‍ മികച്ച കൊമേഡിയനായി മാറിയ ധര്‍മ്മജന്‍ ബോള്‍ഗാട്ടി ഇനി കളം മാറി ചവിട്ടുകയാണ്. ചില്ലറക്കളിയ്ക്കൊന്നും ഇനി ധർമജനെ കിട്ടില്ല. പുള്ളിക്കാരൻ വക്കീലാവുകയാണ്! അഡ്വ: പീര്‍ താനേഷ് എൽ.എൽ.ബി.
ജയസൂര്യയെ നായകനാക്കി രഞ്ജിത്ത് ശങ്കര്‍ സംവിധാനം ചെയ്യുന്ന പുണ്യാളന്‍ പ്രൈവറ്റ് ലിമിറ്റഡ് എന്ന ചിത്രത്തിലാണ് അഡ്വക്കേറ്റ് പീര്‍ താനേഷ് ആയി എത്തുക. ജയസൂര്യ അവതരിപ്പിക്കുന്ന ജോയ് താക്കോല്‍കാരന്റെ ‘പേഴ്സണല്‍ അഡ്വക്കേറ്റാണ്’ ധര്‍മ്മജന്റെ പീര്‍ താനേഷ്.
2014ല്‍ പുറത്തിറങ്ങിയ സൂപ്പര്‍ഹിറ്റ് ചിത്രം പുണ്യാളന്‍ അഗര്‍ബത്തീസിന്റെ രണ്ടാം ഭാഗമാണ് പുണ്യാളന്‍ പ്രൈവറ്റ് ലിമിറ്റഡ്. സുസു സുധി വാത്മീകം, പ്രേതം എന്നീ ചിത്രങ്ങള്‍ക്ക് ശേഷം ജയസൂര്യയും രഞ്ജിത്ത് ശങ്കറും വീണ്ടും ഒന്നിക്കുന്ന ചിത്രം കൂടിയാണിത്. നവംബറില്‍ പുണ്യാളന്‍ പ്രൈവറ്റ് ലിമിറ്റഡ് തീയേറ്ററുകളില്‍ എത്തും.
Post Your Comments