തമിഴ്നാട്ടില്‍ വെള്ളപ്പൊക്കമുണ്ടായ സമയത്ത് ഫാന്‍സ്‌ അസോസിയേഷനുമായി ചേര്‍ന്ന് കമല്‍ഹാസന്‍ എന്ത് ക്ഷേമ പ്രവര്‍ത്തനമാണ് നടത്തിയെതെന്ന തമിഴ്നാട് ധനമന്ത്രിയുടെ ചോദ്യത്തിന് മറുപടി നല്‍കി താരത്തിന്‍റെ ഫാന്‍സ്‌ അസ്സോസിയേഷന്‍ രംഗത്ത്.
സാധാരണ രാഷ്ട്രീയ പ്രവര്‍ത്തകരെപ്പോലെ ചെയ്യുന്ന പ്രവര്‍ത്തികള്‍ എണ്ണിപ്പറഞ്ഞു വീമ്പിളക്കുന്ന ഒരാളല്ല കമല്‍ഹാസനെന്നും, അദ്ദേഹം സമൂഹ നന്മയക്കായി ഒട്ടേറെ കാര്യങ്ങള്‍ ചെയ്തിട്ടുണ്ടെന്നും ഫാന്‍സ്‌ അസ്സോസിയേഷന്‍ തുറന്നടിക്കുന്നു. ചെന്നൈയില്‍ വെള്ളപ്പൊക്കമുണ്ടായ സമയത്ത് ദുരിതത്തിലകപ്പെട്ടവര്‍ക്ക് ഭക്ഷണവും വെള്ളവും ലഭ്യമാക്കുകയും, അവര്‍ക്കായി മെഡിക്കല്‍ ക്യാമ്പ് നടത്തിയെന്നും ഇവര്‍ വ്യക്തമാക്കുന്നു. അങ്ങനെ ഓരോ ക്ഷേമ പ്രവര്‍ത്തനങ്ങളെക്കുറിച്ചും വിശദമായ വിശദീകരണം നല്‍കികൊണ്ടാണ് ധനമന്ത്രി ജയകുമാറിന് കമലിന്റെ ഫാന്‍സ്‌ അസ്സോസിയേഷന്‍ മറുപടി നല്‍കിയത്.
Post Your Comments