മോഹന്‍ലാലുമായി ആദ്യമായി ഒന്നിക്കുന്ന തന്‍റെ ചിത്രം വെളിപാടിന്റെ പുസ്തകത്തെക്കുറിച്ച് അമിത പ്രതീക്ഷകള്‍ വച്ച് പുലര്‍ത്തരുതെന്ന് സംവിധായകന്‍ ലാല്‍ജോസ് നേരത്തെ വ്യക്തമാക്കിയിരുന്നു. എല്ലാവര്‍ക്കും ഇഷ്ടപ്പെടുന്ന തരത്തിലെ ഒരു സാധാരണ വിനോദ സിനിമ മാത്രമായിരിക്കും ഇതെന്നായിരുന്നു ലാല്‍ജോസ് പറഞ്ഞിരുന്നത്. എന്നാല്‍ ചിത്രത്തിന്‍റെ പോസ്റ്റര്‍ പുറത്തുവരുമ്പോള്‍ കൂടുതല്‍ മാസ് എലമന്റ്സ് ചിത്രത്തില്‍ ഉണ്ടാകുമെന്നാണ് പ്രേക്ഷകര്‍ പ്രതീക്ഷിക്കുന്നത്, കാരണം മലയാളത്തിന്റെ താരരാജാവ് മീശപിരിച്ചും മുണ്ടുമടക്കി കുത്തിയും ഗംഭീര ലുക്കിലാണ് പോസ്റ്ററില്‍ അവതരിച്ചിരിക്കുന്നത്. കഴിഞ്ഞ ദിവസം ചിത്രത്തിന്‍റെ പുതിയ പോസ്റ്റര്‍ പുറത്തിറങ്ങിയിരുന്നു. ബെന്നി. പി നായരമ്പലം തിരക്കഥ എഴുതുന്ന ചിത്രം ആശിര്‍വാദിന്‍റെ ബാനറില്‍ ആന്റണി പെരുമ്പാവൂരാണ് നിര്‍മ്മിച്ചിരിക്കുന്നത്. ഗുരു ശിഷ്യ ബന്ധത്തിന്റെ കഥയാണ് ലാല്‍ജോസും കൂട്ടരും ചിത്രത്തിലൂടെ പറയാന്‍ ശ്രമിക്കുന്നത്.
Post Your Comments