ഹോളിവുഡ് ചിത്രങ്ങളോട് കിടപിടിക്കുന്ന തരത്തില്‍ ഒരു ചിത്രം ഒരുങ്ങുന്നു. ‘സ്പൈഡര്‍’ എന്ന പേരില്‍ ഒരുക്കുന്ന ചിത്രത്തില്‍ തെന്നിന്ത്യന്‍ താരം മഹേഷ് ബാബുവാണ് നായകനാകുന്നത്. ഗ്രാഫിക്സിന് ഏറെ പ്രാധാന്യം നല്‍കിയാണ് സ്പൈഡര്‍ ഒരുക്കുന്നത്. റഷ്യ, ഇറാന്‍, യു.കെ എന്നിവിടങ്ങളിലാണ് ചിത്രത്തിന്റെ ഗ്രാഫിക്സ് വര്‍ക്കുകള്‍ പുരോഗമിക്കുന്നത്.
ഹിറ്റ്മേക്കര്‍ മുരുഗദോസ് സംവിധാനം ചെയ്യുന്ന ‘സ്പൈഡര്‍’ മഹേഷ് ബാബുവിന്റെ കരിയറിലെ ഏറ്റവും മുതല്‍മുടക്കുള്ള ചിത്രമാണ്. ഇന്റലിജന്‍സ് വിഭാഗത്തിലെ ഒരു ഉയര്‍ന്ന പൊലീസ് ഉദ്യോഗസ്ഥനായാണ് മഹേഷ് ചിത്രത്തില്‍ എത്തുന്നത്. തെലുങ്കിലും തമിഴിലും മലയാളത്തിലുമായി റിലീസ് ചെയ്യുന്ന ചിത്രത്തില്‍ എസ്.ജെ സൂര്യയാണ് വില്ലന്‍. രാകുല്‍ പ്രീത് നായികയാകുന്ന ചിത്രത്തില്‍ നദിയാ മൊയ്തുവും പ്രധാന വേഷത്തില്‍ എത്തുന്നുണ്ട്.
Post Your Comments