‘എസ്ര’യുടെ വിജയത്തിന് പിന്നാലെ മലയാളത്തില്‍ വീണ്ടും പ്രേതപടം

ഷൈന്‍ ടോം ചാക്കോ നായകനായി എത്തുന്ന ഹൊറര്‍ ത്രില്ലറാണ് ‘പ്രേതം ഉണ്ട് സൂക്ഷിക്കുക’. സൂപ്പർ സ്റ്റാർ ഫിലിംസിന്റെ ബാനറിൽ മഹി നിർമിക്കുന്ന ചിത്രം സംവിധാനം ചെയ്തിരിക്കുന്നത് നവാഗതരായ മുഹമ്മദ്‌ അലിയും, ഷഫീർ ഖാനും ചേർന്നാണ്. ചിത്രത്തിന്റെ ഫസ്റ്റ്ലുക്ക് പോസ്റ്റര്‍ കഴിഞ്ഞ ദിവസം പുറത്തിറങ്ങിയിരുന്നു. മലയാളത്തില്‍ ഹൊറര്‍ സിനിമകള്‍ പതിവില്ലാതിരുന്ന അവസരത്തിലാണ് ‘എസ്ര’ ഇറങ്ങി പണംകൊയ്തത്. ഹൊറര്‍ ചിത്രങ്ങള്‍ എടുക്കാന്‍ ഇഷ്ടമുള്ള സൂത്രധാരന്‍മാര്‍ക്ക് ആത്മവിശ്വാസം നല്‍കുന്നതായിരുന്നു ‘എസ്ര’യുടെ മികച്ച വിജയം. ‘എസ്ര’യ്ക്ക് പിന്നാലെയെത്തുന്ന ഈ ഹൊറര്‍ ചിത്രം കോമഡിക്കും പ്രാധാന്യം നല്‍കുന്നുണ്ട്.