മലയാള സിനിമയില്‍ ഒരു കാലത്തു ശ്രദ്ധേയ വേഷങ്ങള്‍ ചെയ്ത നടിമാര്‍ വിവാഹം മറ്റു ചില തിരക്കുകള്‍ എന്നിവ കാരണം സിനിമയില്‍ നിന്നും അകന്നു പോകാറുണ്ട്. എന്നാല്‍ ഇടക്കാലത്തായി പല നടിമാരും തിരിച്ചു വരുകയാണ്. ജോമോള്‍, നവ്യാ നായര്‍, ദിവ്യാ ഉണ്ണി, മാതു, സലീമ ആ പേരുകളിലേക്ക് ഒരാള്‍ കൂടി. മിത്രാ കുര്യന്‍.
പ്രശസ്ത കീബോര്‍ഡ് പ്ലയര്‍ സ്റ്റീഫന്‍ ദേവസിയുടെ ട്രൂപ്പിലെ കലാകാരന്‍ വില്യവുമായുള്ള വിവാഹ ശേഷം സിനിമയില്‍ നിന്നും വിട്ടു നിന്ന താരം കവടിയും വിത്തും എന്ന ചിത്രത്തിലൂടെയാണ് തിരിച്ചുവരവിനൊരുങ്ങുന്നത്. തമിഴ് നടന്‍ ശ്രീകാന്ത് ആണ് നായകന്‍.
നവാഗതനായ അരുണ്‍ നിശ്ചലാണ് ചിത്രത്തിന്‍റെ സംവിധാനം. പാലക്കാടും ഗോവയിലുമാണ് കവടിയും വിത്തും ചിത്രീകരിക്കുന്നത്. സുധീര്‍ കരമന, ശ്രീജിത്ത് രവി, മനോജ് ഗിന്നസ് എന്നിവരാണ് മറ്റ് താരങ്ങള്‍. ഹീറോയ്ക്ക് ശേഷം ശ്രീകാന്ത് മലയാളത്തില്‍ അഭിനയിക്കുന്ന ചിത്രം കൂടിയാണിത്.
Post Your Comments