എ.എസ് പ്രൊഡക്ഷന്റെ ബാനറില്‍ കുക്കു സുരേന്ദ്രന്‍ സംവിധാനം ചെയ്യുന്ന ഹൊറർ ചിത്രം ‘ ഇ ‘ യുടെ ടീസർ പുറത്തിറങ്ങി. രാഹുൽ രാജിന്റെ സംഗീതമാണ് ടീസറിനെ ഒരു ഹൊറർ മൂഡിലേക്ക് എത്തിക്കുന്നതിന് പ്രധാന പങ്കു വഹിച്ചിരിക്കുന്നത്.
അമിന്‍ സുറാനി, സംഗീത് ശിവന്‍ എന്നിവര്‍ ചേര്‍ന്നു നിർമ്മിക്കുന്ന ചിത്രത്തിന്റെ തിരക്കഥ തയ്യാറാക്കിയിരിക്കുന്നത് രോഹന്‍ ബജാജ്, ഹരികുമാര്‍ എന്നിവരാണ്. ചിത്രത്തിൽ കേന്ദ്രകഥാപാത്രത്തെ അവതരിപ്പിക്കുന്നത് ഗൗതമിയാണ്. കൂടാതെ ആറ് പുതുമുഖങ്ങൾ കൂടി ചിത്രത്തിൽ എത്തുന്നുണ്ട്.
14 വർഷത്തെ ഇടവേളക്കു ശേഷം ഗൗതമി അഭിനയിക്കുന്നു എന്ന സവിശേഷത കൂടിയുണ്ട് ചിത്രത്തിന്. ഓഗസ്റ്റ് 11 തിയേറ്ററിലെത്തുന്ന ചിത്രത്തിന്റെ ഛായാഗ്രഹണം നിർവഹിച്ചിരിക്കുന്നത് രാജേഷ് പിള്ളയാണ്.
Post Your Comments