ചാമ്പ്യാൻസ് ട്രോഫിയിൽ പാക്കിസ്ഥാനോട് ദയനീയമായി പരാജയപ്പെട്ട ഇന്ത്യൻ ടീമിനെ പഴിപറഞ്ഞ ആർ കെ കെ യ്ക്ക് ട്വിറ്ററിൽ ആരാധകരുടെ വിമർശനം. ഇന്ത്യന്‍ ക്രിക്കറ്റ് ടീമിന്റെ നായകന്‍ വിരാട് കോലിയെ ജയിലിലടയ്ക്കണമെന്ന ആവശ്യവുമായി നടനും കോലിയെ ക്രിക്കറ്റില്‍ നിന്ന് ആജീവനാന്തം വിലക്കണമെന്നും 130 കോടി ജനങ്ങളുടെ അഭിമാനമാണ് കോലി അടിയറവെച്ചതെന്നും നിരൂപകനുമായ കമാല്‍ ആര്‍ ഖാന്‍ ട്വിറ്ററില്‍ പറഞ്ഞിരുന്നു. ഇതിനെതിരെ രൂക്ഷ വിമർശനവുമായി എത്തിയിരിക്കുകയാണ് പാക്കിസ്ഥാൻ ആരാധകർ.
കോലി ലോകോത്തര കളിക്കാരനാണെന്നും ഇത്തരം വിമര്‍ശനങ്ങള്‍ ഉന്നയിക്കാന്‍ നിങ്ങള്‍ക്ക് ലജ്ജയില്ലേയെന്നും ബുഷ്ര ജോയോ എന്ന പാക് ആരാധിക ചോദിച്ചു. ഇത്തരം വിലകുറഞ്ഞ വിമര്‍ശനങ്ങള്‍ ഉന്നയിക്കുന്ന താങ്കളെയാണ് വിലക്കേണ്ടതെന്നായിരുന്നു മറ്റൊരു ആരാധകന്റെ മറുപടി. കോലിയ്ക്ക് പിന്തുണയുമായി നിരവധി പാക് ആരാധകരാണ് ട്വിറ്ററില്‍ കെആര്‍കെയ്ക്കെതിരെ രംഗത്തെത്തിയത്. നേരത്തെ മോഹൻലാലിനെ പരിഹസിച്ചതിന്റെ പേരിൽ മലയാളികളുടെ വിമര്‍ശനമേറ്റു വാങ്ങിയ ആളാണ് കമാന്‍ ആര്‍ ഖാന്‍ എന്ന കെആര്‍കെ.
Post Your Comments