മലയാള സിനിമയില്‍ തിളങ്ങിനിന്ന പത്മപ്രിയ ഒരിടവേളക്ക് ശേഷം വീണ്ടും അഭിനയ രംഗത്ത് സജീവമാകുന്നു. വാസു പരിമി സംവിധാനം ചെയ്യുന്ന പട്ടേൽ എസ് ഐ ആർ എന്ന തെലുങ്ക് ചിത്രത്തിലൂടെയാണ് താരം വീണ്ടും എത്തുന്നത്. ചിത്രത്തിൽ എൻആർഐ ഡോക്ടറുടെ വേഷത്തിലാണ് പദമപ്രിയ എത്തുന്നത്. പുലിമുരുകനിലെ മികച്ച പ്രകടനത്തിലൂടെ ആരാധകരുടെ മനസിലിടം നേടിയ ജഗപതി ബാബു ആണ് ചിത്രത്തിലെ നായകൻ.
ചിത്രം ഒരു ആക്ഷൻ ത്രില്ലറാണെങ്കിലും ഇമോഷണൽ പശ്ചാത്തലത്തിലാവും എത്തുക എന്ന് അണിയറ പ്രവർത്തകരുടെ വെളിപ്പെടുത്തൽ. ചിത്രത്തിൽ രാജി എന്നാണ് പത്മപ്രിയയുടെ പേര്. ജഗപതി ബാബു അവതരിപ്പിക്കുന്ന കഥാപാത്രത്തെ പ്രണയിക്കുന്ന എൻ ആർ ഐ ഡോക്ടറായി ആണ് പത്മപ്രിയ എത്തുന്നത്. അതുകൊണ്ട് തന്നെ ചിത്രത്തിൽ നിർണായകമായ കഥാപാത്രമായിരിക്കും പത്മപ്രിയയുടേത്.
പുലിമുരുകനിലെ 60 കഴിഞ്ഞ വില്ലൻ ‘ഡാഡി ഗിരിജയെ’ മോളിവുഡിന് നന്നേ ഇഷ്ടപ്പെട്ടതായി സംവിധായകൻ വാസു വെളിപ്പെടുത്തി. എന്നാൽ പുതിയ ചിത്രത്തിൽ തികച്ചും വ്യത്യസ്തമായ ലുക്കിലാകും ജഗപതി ബാബു എത്തുക.
സുനിൽ സുധാകരന്റെ കഥക്ക് തിരക്കഥ തയാറാക്കിയിരിക്കുന്നത് വാസു പരിമി തന്നെയാണ്. ഗോവയും ഹൈദരാബാദും വിദേശ രാജ്യങ്ങളുമാണ് പട്ടേൽ എസ്ഐആർന്റെ പശ്ചാത്തലമായി എത്തുന്നത്. എന്തായാലും ജഗപതി ബാബുവിന്റെ പുതിയ ലുക്കിനായുള്ള കാത്തിരിപ്പിലാണ് തെലുങ്ക് സിനിമ ലോകം.
Post Your Comments