കഥാപാത്രങ്ങളുടെയും സിനിമയുടെയും പേരില്‍ അറിയപ്പെടുന്ന ധാരാളം താരങ്ങളുണ്ട്. ആദ്യ ചിത്രത്തിലെ കഥാപാത്രത്തിലൂടെ ലഭിച്ച സ്വീകാര്യതയിലൂടെ അജയകുമാര്‍ എന്ന സ്വന്തംപേര് മറന്നതിന് തുല്യമാണ് മലയാളത്തിലെ പ്രിയ ഹാസ്യ നടന്‍ ഉണ്ട പക്രു. എങ്ങന്നെ താന്‍ ഗിന്നസ് പക്രുവായി മാറിയെന്നു താരം പങ്കുവയ്ക്കുന്നു. അമ്പിളിയമ്മാവന്‍ എന്ന ചിത്രത്തിലെ കഥാപാത്രത്തിന്‍റെ പേരായിരുന്നു ഉണ്ടപക്രു. ആ പേര് സ്വന്തം പേരായി പതിഞ്ഞു. വീട്ടുകാര്‍ക്കും മറ്റും ഈ പേര് ഇഷ്ടമല്ലായിരുന്നു. സഹോദരിയുടെ മക്കള്‍ എന്തുകൊണ്ട് ഇങ്ങനെ ഒരു പേര് എന്നെല്ലാം ചോദിക്കാന്‍ തുടങ്ങി. ഒരിക്കല്‍ ഇന്നസെന്റും ഈ പേര് മാറ്റണമെന്ന് അഭിപ്രായപ്പെട്ടു.
മമ്മൂട്ടി ഭൂതമായി അഭിനയിച്ച പട്ടണത്തില്‍ ഭൂതം എന്ന സിനിമയുടെ ഷൂട്ടിംഗ് നടക്കുമ്പോഴാണ് ഗിന്നസ് റെക്കോര്‍ഡിന്‍റെ സര്‍ട്ടിഫിക്കറ്റ് കൈയില്‍ കിട്ടിയത്. ഒരു മുഴുനീള ചിത്രത്തിൽ പ്രധാന വേഷം ചെയ്ത ഏറ്റവും ഉയരം കുറഞ്ഞ നടൻ എന്ന റെക്കോര്ഡ് പക്രുവിന് സ്വന്തം. ഈ സര്‍ട്ടിഫിക്കറ്റ് കണ്ടത് മുതല്‍ ഷൂട്ടിന് സമയം ആകുമ്പോള്‍ മമ്മൂട്ടി ഗിന്നസ് എവിടെ എന്ന് ചോദിച്ചു തുടങ്ങി. അങ്ങനെ മമ്മൂട്ടിയാണ് ആദ്യമായി ഗിന്നസ് എന്ന് വിളിച്ചത്. ആതിലൂടെ ഗിന്നസ് പക്രു ആയി താന്‍ മാറി.
Post Your Comments