ചെന്നൈയില്‍ നിന്നും നാല് ദിവസം മുന്‍പ് കാണാതായ മലയാളി മോഡല്‍ വീട്ടില്‍ തിരിച്ചെത്തി. മോഡലും സംവിധായികയുമായ ഗാനം നായരെ വെള്ളിയാഴ്ചയാണ് ജോലിയ്ക്ക് പോകുന്ന വഴി കാണാതായത്. തലശ്ശേരി സ്വദേശിയായ ഗാനം നായര്‍ ചെന്നൈയിലെ വിരുഗമ്പാക്കത്തായിരുന്നു താമസം.
വെള്ളിയാഴ്ച വീട്ടില്‍നിന്നു രാവിലെ സ്കൂട്ടറില്‍ നുങ്കമ്ബാക്കത്തുള്ള ഓഫീസിലേക്കുപോയ ഗാനം അവിടെ എത്തിയിരുന്നില്ല. വൈകുന്നേരം വീട്ടില്‍ തിരിച്ചെത്താതെ വന്നതോടെ കുടുംബാംഗങ്ങള്‍ അന്വേഷണം നടത്തിയെങ്കിലും കണ്ടെത്താന്‍ സാധിച്ചില്ല. ഇതേത്തുടര്‍ന്നാണ് പോലീസില്‍ പരാതി നല്‍കിയത്.
ഗാനത്തെ കണ്ടെത്തണമെന്നാവശ്യപ്പെട്ട് സുഹൃത്തുക്കള്‍ ഓണ്‍ലൈന്‍ ക്യാംപൈന്‍ തുടങ്ങുകയും ചെയ്തു. എന്നാല്‍ ഇന്നലെ ഉച്ചയോടെ വീട്ടിലേയ്ക്ക് വിളിച്ച യുവതി വൈകിട്ടോടെ താന്‍ വീട്ടിലെത്തുമെന്ന് അറിയിയ്ക്കുകയായിരുന്നു. വിഷാദരോഗം മൂലമാണ് യുവതി നാടു വിട്ടതെന്നും ബന്ധുക്കള്‍ പരാതി പിന്‍വലിച്ചുവെന്നും പൊലീസ് അറിയിച്ചു.
Post Your Comments