പ്രഭാസും, സത്യരാജും,രമ്യാകൃഷ്ണനും, അനുഷ്കയുമൊക്കെ ബാഹുബലി-2വില്‍ കയ്യടി നേടുമ്പോള്‍ താരമാകാതെ പോകുന്നത് അവന്തികയെ അവതരിപ്പിച്ച തെന്നിന്ത്യന്‍ സുന്ദരി തമന്നയാണ്‌. ‘ബാഹുബലി’യുടെ ആദ്യഭാഗത്തില്‍ ശ്രദ്ധ നേടിയ തമന്ന രണ്ടാം ഭാഗത്തിലെത്തിയപ്പോള്‍ തീര്‍ത്തും നിറംമങ്ങിപ്പോയി. സിനിമയുടെ ക്ലൈമാക്സ്‌ രംഗത്തില്‍ വളരെ കുറച്ചു നേരം മാത്രമാണ് തമന്ന പ്രത്യക്ഷപ്പെടുന്നത്. എന്നാല്‍ ചിത്രത്തിലെ കുറെയധികം സീനുകളില്‍ തമന്ന അഭിനയിച്ചിരുന്നു. ഈ സീനുകളിലെ വിഷ്വൽ ഇഫക്ട് മികച്ചതാകാത്തതിനാലാണ് രംഗങ്ങള്‍ എഡിറ്റ് ചെയ്തു നീക്കിയതെന്ന് സംവിധായകനായ രാജമൗലി വ്യക്തമാക്കി. ചിത്രത്തിനായി ആയുധ പരിശീലനവും കുതിര സവാരിയും വരെ താരം അഭ്യസിച്ചിരുന്നു.
Post Your Comments