1987ലെ മികച്ച നടനുള്ള സംസ്ഥാന അവാര്‍ഡ്‌ ഒരു മിന്നാമിനുങ്ങിന്റെ നുറുങ്ങുവെട്ടത്തിൽ നെടുമുടി വേണു അവതരിപ്പിച്ച മാഷ് എന്ന കഥാപാത്രത്തിനായിരുന്നു. മമ്മൂട്ടിയേക്കാൾ ഒരുപടി മുന്നിലായിരുന്നു നെടുമുടി വേണുവിന്റെ മാഷ് എന്ന കഥാപാത്രം. അതുകൊണ്ട് തന്നെ നെടുമുടി വേണുവിന്റെ മികച്ച പ്രകടനം മമ്മൂട്ടിയുടെ അവാർഡ് നഷ്ടമാക്കി.
മികച്ച നടനുള്ള പുരസ്‌കാരത്തിനായി ഇരുവരും തമ്മില്‍ അവസാനം വരെ പോരാടിയിരുന്നു. ഒന്നിനൊന്ന് മികച്ച ചിത്രങ്ങളുമായി മികച്ച നടനുള്ള അവസാന പട്ടികയില്‍ ഇരുവരും മത്സരിച്ചിരുന്നു. ആ വര്‍ഷത്തെ ജൂറി ഏറെ ബുദ്ധിമുട്ടിയിരുന്നു. മികച്ച രണ്ട് അഭിനേതാക്കള്‍ തമ്മിലുള്ള മത്സരം ശരിക്കും പ്രേക്ഷകരെയും ആകെ അമ്പരപ്പെടുത്തിയിരുന്നു.
മലയാള സിനിമയിലെ അതുല്യ പ്രതിഭയും സകലകലാവല്ലഭനുമാണ് നെടുമുടി വേണു. അഭിനയത്തില്‍ അഗ്രഗണ്യനായ താരത്തിന് ദേശീയ അവാര്‍ഡുള്‍പ്പടെ നിരവധ പുരസ്‌കാരങ്ങള്‍ ലഭിച്ചിരുന്നു. മൂന്ന് തവണ ദേശീയ പുരസ്‌കാരവും ആറ് തവണ സംസ്ഥാന അവാര്‍ഡും സ്വന്തമാക്കിയ നെടുമുടി വേണു സഹകഥാപാത്രമായി ഇന്നും സിനിമയില്‍ സജീവമാണ്.
Post Your Comments