2006ല്‍ കീര്‍ത്തി ചക്രയിലൂടെ പിറന്ന മോഹന്‍ലാല്‍ -മേജര്‍ രവി കൂട്ടുകെട്ടില്‍ അഞ്ചാമതും ഒരു പട്ടാള ചിത്രം വരുന്നു. അതിലും മോഹന്‍ലാല്‍ മേജര്‍ മഹാദേവനായി എത്തുമെന്നാണ് സംവിധായകന്‍ പറയുന്നത്.
മഹാദേവന്‍ പരമ്പരയുടെ അഞ്ചാമത്തെ ചിത്രം കൂടിയാണിത്. മോഹന്‍ലാല്‍ മേജര്‍ മഹാദേവനായെത്തുന്ന അഞ്ചാമത്തെ ചിത്രത്തില്‍ ശത്രുരാജ്യത്തെ തീവ്രവാദികളുടെ തടവില്‍ കഴിയുന്ന സൈനികരെ രക്ഷിക്കാനുള്ള ദൗത്യം ഏറ്റെടുക്കാന്‍ നിയോഗിക്കപ്പെട്ട മേജറായാണ് എത്തുക.
1971 ബിയോണ്ട് ബോര്‍ഡേഴ്‌സ് ആണ് മോഹന്‍ലാലും മേജര്‍ രവിയും അവസാനം ഒന്നിച്ച ചിത്രം. 2017 ഏപ്രില്‍ ഏഴിന് തിയേറ്ററുകളിലെത്തിയ ഈ ചിത്രം പ്രദര്‍ശന വിജയം നേടി മുന്നേറുകയാണ്. നിവിന്‍ പോളിയെ നായകനാക്കിയൊരു പ്രണയ ചിത്രമാണ് മേജര്‍ രവിയുടെ അടുത്ത ചിത്രം. അത് കഴിഞ്ഞാകും മോഹന്‍ലാല്‍ ചിത്രം.
Post Your Comments