ഹൈദരാബാദും ബാംഗ്ലൂരും ഹൈദാരാബാദിലെ രാജീവ് ഗാന്ധി രാജ്യാന്തര സ്‌റ്റേഡിയത്തില്‍ ഏറ്റുമുട്ടിയതോടെ ഐ.പി.എലിന്‍റെ പത്താം സീസണിന് ഇന്നലെ തുടക്കമായി. മത്സരത്തിനു മുന്നോടിയായി രാജീവ് ഗാന്ധി രാജ്യാന്തര സ്‌റ്റേഡിയത്തിലെ വര്‍ണ്ണാഭമായ വേദിയില്‍ നൃത്ത ചുവടുകളുമായെത്തിയത് ബോളിവുഡ് താരവും മോഡലുമായ ആമി ജാക്‌സണ്‍ ആയിരുന്നു. എന്നാല്‍ ആമിയുടെ നൃത്തത്തില്‍ ഒട്ടും സംതൃപ്തരല്ല ക്രിക്കറ്റ് ആരാധകര്‍. വളരെ ബോറന്‍ ഡാന്‍സ് എന്നാണ് ആരാധകര്‍ ആമിയുടെ ഡാന്‍സിനെ വിലയിരുത്തിയത്. ഓം ശാന്തി ഓം, കാല ചാഷ്മാ എന്നീ ഗാനങ്ങള്‍ക്കൊപ്പമാണ് ആമി നൃത്തം ചെയ്തത്.
ആമി ജാക്സനെ ട്രോളികൊണ്ടുള്ള ട്വീറ്റ് ആണ് ട്വിറ്റര്‍ പോസ്റ്റുകളിലത്രയും നിറയുന്നത്.
എന്റെ വളര്‍ത്തുനായ ആമിയേക്കാള്‍ നന്നായി ഡാന്‍സ് ചെയ്യുമെന്നും, ആമിയ്ക്ക് ഡാന്‍സ് ചെയ്യാന്‍ അറിയില്ലെന്നുമായിരുന്നു ഒരു ട്വീറ്റ്, ആമിയേക്കാള്‍ നല്ല ഡാന്‍സര്‍ സണ്ണി ഡിയോള്‍ ആണെന്ന് പറയേണ്ടി വരുമെന്നായിരുന്നു മറ്റൊരു ആരാധകന്റെ ട്വീറ്റ്.
Post Your Comments