സമൂഹമാധ്യമങ്ങളില്‍ ബോളിവുഡ് സുന്ദരി അനുഷ്ക ശര്‍മ്മ ഒരു പത്രപ്രവര്‍ത്തകയുടെ ഫോണിലൂടെ സംസാരിക്കുന്ന വീഡിയോ ഇപ്പോള്‍ വൈറലായി. സംഭവമിങ്ങനെ … അനുഷ്ക ശര്‍മ്മ, ദില്‍ജിത്ത് ദോസഞ്ജ് എന്നിവര്‍ പ്രധാന കഥാപാത്രങ്ങളാകുന്ന ചിത്രമാണ് ‘ഫില്ലൗരി’. ചിത്രത്തിന്റെ പ്രൊമോഷന്‍ പരിപാടിയുടെ ഭാഗമായി ചിത്രത്തിന്റെ അണിയറ പ്രവര്‍ത്തകര്‍ പ്രസ് കോണ്‍ഫറന്‍സ് സംഘടിപ്പിച്ചിരുന്നു. താരം സംസാരിക്കുന്നതിനിടയില്‍ ഒരു റിപ്പോര്‍ട്ടറുടെ ഫോണ്‍ അടിച്ചുകൊണ്ടിരിന്നു. ഇന്റര്‍വ്യൂ റെക്കോര്‍ഡ് ചെയ്യാനായി അനുഷ്‌കയുടെ അടുത്ത് വെച്ച ഫോണില്‍ റിപ്പോര്‍ട്ടറുടെ അമ്മയാണ് വിളിച്ചത്. അമ്മയുടെ ഫോണെന്ന് പറഞ്ഞ് താരം കോള്‍ എടുത്തു സംസാരിച്ചു.
‘ആന്റി അവര്‍ ഇന്റര്‍വ്യൂവിന്റെ തിരക്കിലാണ്. കുറച്ചുനേരം കഴിഞ്ഞ് വിളിക്കൂ’ എന്ന് പറഞ്ഞു. ഒരാളും എത്ര തിരക്കിലായാലും അമ്മയുടെ കോള്‍ നഷ്ടമാക്കരുതെന്നു അനുഷ്ക അഭിമുഖത്തിനിടയില്‍ പറഞ്ഞു
കൃത്തിക എന്ന റിപ്പോര്‍ട്ടറുടെ ഫോണായിരുന്നു അത്. സംഭവത്തിന്റെ വീഡിയോ സോഷ്യല്‍ മീഡിയയില്‍ വൈറലായിരിക്കുകയാണ്.
Post Your Comments