ജി എന്‍ കൃഷ്ണകുമാര്‍ സംവിധാനം ചെയ്ത പൃഥ്വിരാജ് ചിത്രം ടിയാന്‍ ഫസ്റ്റ് ലുക്ക് പോസ്റ്റര്‍ പുറത്തിറങ്ങി. മുരളി ഗോപിയുടെ തിരക്കഥയില്‍ ഇന്ദ്രജിത്തും പൃഥ്വിരാജും വേഷമിടുന്ന ടിയാനെക്കുറിച്ച് വലിയ ചര്‍ച്ചയാണ് സമൂഹ മാധ്യമങ്ങളില്‍ നടക്കുന്നത്. തന്റെ കരിയറിലെ ഏറ്റവും സങ്കീര്‍ണ്ണമായ വേഷമാണ് ടിയാനിലേതെന്ന് പൃഥ്വിരാജും വ്യക്തമാക്കിയിരുന്നു.
ഒരു ദേശം ഇന്നിന്റെ കഥ പറയുമ്പോള്‍ അതില്‍ ഒന്നല്ല ഒരായിരം ഇന്നലെകള്‍ ഉണ്ടാവും. മറവി കാര്‍ന്നു പോയ എണ്ണമറ്റ ജന്‍മങ്ങള്‍ ഒരുമിച്ചൊന്നായ , അദൃശ്യമായ ഒരു നായക മുഖമുണ്ടാവും. ആ മുഖം തേടുന്നവനാണ് മോല്‍പ്പടിയാന്‍. അവനാണ് ടിയാനെന്നും പൃഥ്വിരാജ് തന്റെ ഫേസ് ബുക്ക് പോസ്റ്റില്‍ കുറിക്കുന്നു. അദ്ഭുതം ഒരാളെ കണ്ടുമുട്ടുമ്പോള്‍ ഇതിഹാസങ്ങള്‍ പിറക്കുന്നു എന്നും പോസ്റ്ററിലുണ്ട്.
റെഡ് റോസ് ക്രിയേഷന്‍സിന്റെ ബാനറില്‍ ഹനീഫ് മൊഹമ്മദാണ് ചിത്രം നിര്‍മ്മിക്കുന്നത്. കുംഭമേളയുടെ പശ്ചാത്തലത്തിലൊരുങ്ങുന്ന ചിത്രം അതീവരഹസ്യമായാണ് ചിത്രീകരിച്ചത്.
പൃഥ്വിരാജ് അവതരിപ്പിക്കുന്ന അസ്ലന്‍ മാത്രമാണ് ഫസ്റ്റ് ലുക്ക് പോസ്റ്ററിലുള്ളത്. ചിത്രത്തില്‍ പൃഥ്വിരാജിനൊപ്പം ഇന്ദ്രജിത്ത്, മുരളി ഗോപി, ഷൈന്‍ ടോം ചാക്കോ, അനന്യ തുടങ്ങിയവരും ചിത്രത്തില്‍ വേഷമിടുന്നുണ്ട്.
ഈദ് റിലീസായി ടിയാന്‍ തിയറ്ററുകളിലെത്തും.
Post Your Comments