കന്നഡ ചിത്രത്തിലെ ഐറ്റം ഡാന്‍സ് സംവിധായകന്റെ നിര്‍ബന്ധമോ? ഭാമ പറയുന്നു

ഓട്ടോ രാജ എന്ന ചിത്രത്തിലാണ് ഐറ്റം ഡാൻസറായി ഭാമ പ്രത്യക്ഷപെട്ടത്. ഐറ്റം ഡാൻസർ പരിവേഷത്തിലെത്തിയ ഭാമ തന്‍റെ അനുഭവം ഇപ്പോഴാണ് മാധ്യമങ്ങളുമായി പങ്കു വെച്ചത്. കൊച്ചിയില്‍ വന്നിട്ടായിരുന്നു സംവിധായകൻ ഈ ചിത്രത്തിന്‍റെ കഥ തന്നോട് പറയുന്നത്. കഥ കേട്ടപ്പോൾ വളരെയധികം ഇഷ്ടപ്പെടുകയും ചെയ്തു. പിന്നീടായിരുന്നു ഇങ്ങനെയൊരു ഐറ്റം ഡാൻസിനെ കുറിച്ച് പറഞ്ഞത്. നിർബന്ധിക്കില്ലെന്നും സിനിമയുടെ വിജയത്തിന് അതത്യാവശ്യമാണെന്നും സംവിധായകൻ പറഞ്ഞു.

ഒരു നാടന്‍ പെണ്‍കുട്ടി ഇമേജിൽ നിന്ന് ഐറ്റം നമ്പർ ചെയ്യുമ്പോൾ ഉണ്ടാകുന്ന വിമര്‍ശനങ്ങളെ കുറിച്ച് തനിക്ക് നല്ല ബോധ്യമുണ്ടായിരുന്നു. എന്നാൽ വൾഗർ അല്ലാത്ത വേഷമായതിനാലും ആഴമുള്ള കഥാപാത്രമായതിനാലും ആ ചലഞ്ച് ഏറ്റെടുക്കാൻ തീരുമാനിക്കുകയായിരുന്നു എന്ന് ഭാമ വ്യക്തമാക്കി.