പൃഥ്വിരാജ് ചിത്രം എസ്ര ഇന്ന് റിലീസ് ആയിരുന്നു. ചിത്രത്തിന്‍റെ പ്രദര്‍ശനങ്ങള്‍ നടക്കുന്ന ചില തിയേറ്ററുകളില്‍ മമ്മൂട്ടിയുമെത്തി. എസ്രയ്ക്കൊപ്പം ഏതാനും തിയറ്റററുകളിലായാണ് മമ്മൂട്ടി ചിത്രം ദ ഗ്രേറ്റ് ഫാദറിന്റെ ടീസര്‍ പുറത്തിറങ്ങിയത്.
മമ്മൂട്ടി ആരാധകര്‍ വന്‍ പ്രതീക്ഷയോടെ കാത്തിരിക്കുന്ന ചിത്രമാണ് ദ ഗ്രേറ്റ് ഫാദര്‍. തിയേറ്ററുകള്‍ക്കൊപ്പം ചിത്രത്തിന്‍റെ ടീസര്‍ യൂട്യൂബിലുമെത്തി. മാര്‍ച്ച് 30ന് ചിത്രം തിയേറ്ററുകളിലെത്തും.
ഡേവിഡ് നൈനാന്‍ എന്ന കേന്ദ്ര കഥാപാത്രത്തെയാണ് ചിത്രത്തില്‍ മമ്മൂട്ടി അവതിരിപ്പിക്കുന്നത്. ചിത്രത്തില്‍ സ്നേഹയാണ് മമ്മൂട്ടിയുടെ നായികയായി എത്തുന്നത്. തമിഴ് നടന്‍ ആര്യയും സുപ്രധാന വേഷത്തില്‍ എത്തുന്നുണ്ട്. ഷാം , മാളവിക, ഐ എം വിജയൻ, മണികണ്ഠൻ എന്നിവരാണ് ചിത്രത്തിലെ മറ്റുതാരങ്ങൾ. ആഗസ്റ്റ് സിനിമാസിന്റെ ബാനറിൽ പൃഥ്വിരാജ്, ഷാജി നടേശൻ, ആര്യ സന്തോഷ് ശിവൻ എന്നിവർ ചേർന്നാണ് ചിത്രം നിർമ്മിക്കുന്നത്.
Post Your Comments