ഒരു താരനിശയില്‍ റിമി ടോമിയെ ഷാരൂഖ് ഖാന്‍ എടുത്തുയര്‍ത്തിയത് അത്ഭുതത്തോടെയും ആകാംഷയോടെ മലയാളികള്‍ കണ്ടു. എന്നാല്‍ കൊച്ചിയില്‍ ചടുലമായ നൃത്ത ചുവടുകള്‍ കൊണ്ട് ആരാധകരെ ആവേശത്തിലാക്കുന്ന ഹൃത്വിക്ക് റോഷനെ ഒരു നിമിഷം അത്ഭുപ്പെടുത്തി ഈ കൊച്ചിക്കാരി മെറിന് അഗസ്റ്റിന്‍. തനിക്കൊപ്പം നൃത്തംവയ്ക്കാന്‍ ആരെങ്കിലും തയ്യാറുണ്ടോ എന്ന ഹൃത്വിക്കിന്റെ ചോദ്യത്തെ ധൈര്യപൂര്‍വ്വം ഏറ്റെടുത്തുകൊണ്ട് ഈ കലൂര്‍ സ്വദേശി മെറിന് സദസ്സില്‍ അടിത്തകര്‍ത്തു.
ലുലു മാളില്‍ റാഡോ ലൈറ്റ്നസ് കളക്ഷന്റെ പ്രചരണാര്‍ഥം നടത്തിയ ചടങ്ങില്‍ പങ്കെടുക്കുകയായിരുന്നു ഹൃത്വിക്ക് റോഷന്‍. ആരെങ്കിലും ചുവടു വയ്ക്കാന്‍ വരുന്നുണ്ടോ എന്ന് വെല്ലുവിളിച്ചപ്പോള്‍ പലരും ശങ്കിച്ച്‌ നിന്നപ്പോള്‍ കൂസലില്ലാതെ വേദിയിലേയ്ക്ക് കയറിവരികയായിരുന്നു മെറിന്. ഹൃത്വിക്കിനൊപ്പം എല്ലാം മറന്ന് മെറിന് ചുവടുവച്ചു. നൃത്തം കണ്ട ആവേശഭരിതനായ ഹൃത്വിക്ക് പിന്നെ മെറിനെ കൈകളില്‍ കോരിയെടുത്തു, പണ്ട് റിമി ടോമിയെ ഷാരൂഖ് ഖാന്‍ കോരിയെടുത്തപോലെ. നിനയ്ക്കാതെ കിട്ടിയ വിലയേറിയ സമ്മാനത്തിന്‍റെ സന്തോഷത്തിലാണ് മെറിന്.
ഹൃത്വിക്ക് ചിത്രം കാബില്‍ കേരളത്തിലും മത്സരിച്ചു പ്രദര്‍ശനം നടക്കുന്നതിനിടയിലാണ് അദ്ദേഹം കൊച്ചിയില്‍ എത്തിയത്. ചടങ്ങിന്റെ ചിത്രങ്ങള്‍ ഹൃത്വിക്ക് തന്നെ ട്വീറ്റ് ചെയ്തിട്ടുണ്ട്.
Here in Kochi launching Rado Lightness Collection! A truly scintillating response from my fantastic #kaabilfans @rado #radolightness pic.twitter.com/gMbsbWGYoN
— Hrithik Roshan (@iHrithik) February 2, 2017
Post Your Comments