തിയേറ്ററുകളില്‍ വിജയക്കുതിപ്പ് നേടുകയാണ്‌ ബോളിവുഡ് കിംഗ് ഖാന്‍ നായകനായി എത്തിയ റായീസ്. രണ്ട് ദിവസം കൊണ്ട് 26.5 കോടി നേടി സൂപ്പര്‍ഹിറ്റിലേക്ക് കുതിക്കുകയാണ്. അതേസമയം റയീസൊപ്പം റിലീസ് ചെയ്‌ത ഋത്വിക്ക് ചിത്രം കാബിലിന് 16 കോടി മാത്രമാണ് ലഭിച്ചത്.
ചിത്രത്തിന്റെ ഷൂട്ടിംഗ് സമയത്ത് തന്നെ വിവാദങ്ങള്‍ റായീസിനെ പിന്തുടര്‍ന്നിരുന്നു. ഉറി ആക്രമണത്തില്‍ ഇന്ത്യയിലെ നവ നിര്മ്മന്‍ സേന പാക്‌ കലാകാരന്മാര്‍ക്ക് വിലക്ക് ഏര്‍പ്പെടുത്തിയതും ചിത്രത്തിലെ നായിക പാകിസ്ഥാനി ആയതിന്റെ പേരിലുമെല്ലാം ചിത്രീകരണത്തിനു തടസ്സങ്ങള്‍ ഉണ്ടായിരുന്നു. വിവാദങ്ങള്‍ വിട്ടൊഴിഞ്ഞ് ചിത്രം ഹിറ്റ് ചാര്‍ട്ടിലേക്ക് കുതിക്കുകയാണ്.
റയീസിലെ താരത്തിന്റെ പ്രകടനത്തിന് അഭിനന്ദനവുമായി ബിഗ് ബി ട്വീറ്റ് ചെയ്‌തിരിക്കുകയാണ്. അഭിനന്ദനങ്ങൾ ഷാരൂഖ്… റയീസ്… നിങ്ങളുടെ ദേഷ്യമാണ് എനിക്ക് ഇഷ്‌ടമായത്!!- അമിതാഭ് ബച്ചൻ ട്വീറ്റ് ചെയ്‌തു. അതിന് മറുപടിയും കിംഗ് ഖാന്‍ നല്‍കി… താങ്കളിൽ നിന്നാണ് അത് പഠിച്ചത് എന്നാണ് ഷാരൂഖ് ട്വീറ്റ് ചെയ്‌തത്.
Post Your Comments