തെന്നിന്ത്യൻ സൂപ്പർ താരം സൂര്യയും സംവിധായകൻ ഹരിയും കേരളത്തില്‍ എത്തുന്നു. തങ്ങളുടെ പുതിയ ആക്ഷൻ ബ്രമാണ്ഡചിത്രമായ എസ് 3 ( സിങ്കം 3) യുടെ പ്രചാരണാർത്ഥമാണ് ഇരുവരും എത്തുന്നത് .
സൂര്യയുടെ ബിഗ്‌ ബജറ്റ് ചിത്രമാണ് ഹരി സംവിധാനം ചെയ്ത എസ് ത്രീ. ദൊരൈസിങ്കം ഐപിഎസ് എന്ന കരുത്തനായ പോലീസ് ഓഫീസറായി സൂര്യ മൂന്നാം വട്ടമെത്തുകയാണ് സൂര്യ.
17ന് ബുധനാഴ്ച വൈകുന്നേരം 5മണിയ്ക്ക് തൃശ്ശൂർ കുരിയച്ചിറ ലീ ഗ്രാൻഡ് ഓഡിറ്റോറയത്തിൽ ആരാധകർ നൽകുന്ന സ്വീകരണ ചടങ്ങിൽ പങ്കെടുത്ത ശേഷം 18ന് ബുധനാഴ്ച രാവിലെ 10 മണിക്ക് തിരുവനന്തപുരം ക്ലാസിക്ക് അവന്യുവിൽ വെച്ച് നടക്കുന്ന ‘സിങ്കം 3 കേരള ലോഞ്ചിങ് പത്ര സമ്മേളന’ത്തിലും ഇരുവരും പങ്കെടുക്കും.
സൂപ്പർഹിറ്റ് ചിത്രമായ സിങ്കം സീരിസിന്റെ തുടർച്ചയാണ് ഈ ചിത്രം. ചിത്രത്തിന്‍റെ ആദ്യ രണ്ടു ഭാഗങ്ങൾ ഒരുക്കിയതും ഹരി തന്നെയാണ്. ശ്രുതി ഹാസനും അനുഷ്ക ഷെട്ടിയുമാണ് ചിത്രത്തിൽ നായികമാര്‍. ജനുവരി 26ന് ചിത്രം തിയറ്ററുകളിലെത്തും.
Post Your Comments