കഴിഞ്ഞ ദിവസമാണ് ഗീതു മോഹന്‍ദാസ് സംവിധാനം ചെയ്യാന്‍ പോകുന്ന പുതിയ ചിത്രത്തെക്കുറിച്ചുള്ള വാര്‍ത്തകള്‍ പുറത്തുവന്നത്. ‘മൂത്തോന്‍’ എന്ന് പേരിട്ടിരിക്കുന്ന ചിത്രത്തില്‍ നിവിന്‍ പോളിയാണ് നായകനാകുന്നത്. ചിത്രത്തിന്‍റെ ക്യാമറ കൈകാര്യം ചെയ്യുന്നത് പ്രശസ്ത സംവിധായകനും ക്യാമറമാനുമായ രാജീവ്‌ രവിയാണ്. ശ്രീനിവാസന്‍ സിനിമകള്‍ സമൂഹത്തിനു എന്ത് സന്ദേശമാണ് നല്‍കിയിട്ടുള്ളതെന്ന രാജീവ്‌ രവിയുടെ വിവാദ പരാമര്‍ശം നേരെത്തെ വലിയ രീതിയില്‍ ചര്‍ച്ചയായ വിഷയങ്ങളില്‍ ഒന്നായിരുന്നു. തിരക്കഥ കത്തിച്ചു കളഞ്ഞിട്ടു വേണം സിനിമയെടുക്കാനെന്ന രാജീവ്‌ രവിയുടെ പരമാര്‍ശത്തിനെതിരെയും ഒരുപാട് പേര്‍ അന്ന് രംഗത്ത് വന്നിരുന്നു. ശ്രീനിവാസന്‍ ചിത്രങ്ങളെ വിമര്‍ശിച്ച രാജീവ്‌ രവിക്കെതിരെ നിവിന്‍ പോളി സോഷ്യല്‍ മീഡിയയിലൂടെ പ്രതിഷേധിച്ചിരുന്നു. ഇപ്പോള്‍ രാജീവ്‌ രവി ഉള്‍പ്പെട്ട ചിത്രത്തില്‍ നിവിന്‍ നായകനായി അഭിനയിക്കാന്‍ ഒരുങ്ങുമ്പോള്‍ തിരക്കഥ കീറികളഞ്ഞ സംഘത്തില്‍ അങ്ങനെ നിവിന്‍ പോളിയും എത്തിയെന്ന് പരിഹസിക്കുകയാണ് സോഷ്യല്‍ മീഡിയയിലെ സിനിമാപ്രേമികള്‍.
Post Your Comments