മലയാളത്തിലെ എക്കാലത്തെയും മികച്ച കൂട്ടുകെട്ടുകളാണ് മോഹന്‍ലാലും പ്രിയദര്‍ശനും. പോയവര്‍ഷം ഈ കൂട്ടുകെട്ടില്‍ എത്തിയ ഒപ്പത്തിന്റെ സൂപ്പര്‍ഹിറ്റ് വിജയത്തിന് ശേഷം ഇരുവരും വീണ്ടും ഒന്നിക്കുകയാണ്. 30 കോടിയുടെ ബിഗ്ബജറ്റ് ചിത്രവുമായാണ് ഇരുവരും എത്തുക. കൂടെ നടനും നിര്‍മ്മാതാവുമായ മണിയന്‍പിള്ളരാജുവുമുണ്ട്. ചിത്രം നിര്‍മ്മിക്കുന്നത് മണിയന്‍പിള്ളരാജുവാണ്.
പ്രിയന്റെ ഈ ചിത്രത്തിന് തിരക്കഥ ഒരുക്കുന്നത് ടി.കെ രാജീവ് കുമാറാണ്. നായികയെയും മറ്റുള്ളവരെയും തീരുമാനിക്കുന്നതേയുള്ളൂവെന്നും അതിനാല്‍ സിനിമയെക്കുറിച്ചുള്ള കൂടുതല്‍ വിവരങ്ങള്‍ പുറത്തുവിടാറായിട്ടില്ലെന്നും ഉടന്‍ തന്നെ സിനിമയെക്കുറിച്ചുള്ള ഔദ്യോഗിക വിവരങ്ങള്‍ പുറത്തുവിടുമെന്നും മണിയന്‍പിള്ള രാജു പറഞ്ഞു.
കഴിഞ്ഞ വര്ഷം നൂറുകോടി ക്ലബ്ബില്‍ ഇടം പിടിച്ച മോഹന്‍ലാല്‍ ചിത്രം 25കോടിയാണ് ചിലവിട്ടത്. അതിനുമേലെയാണ് പ്രിയന്റെ പുതിയ ചിത്രത്തിന്‍റെ ബജറ്റ്. അതുകൊണ്ട് തന്നെ ആരാധകര്‍ പ്രതീക്ഷയിലാണ്.
Post Your Comments