ശ്രികുമാരന്‍ തമ്പിയുടെ പ്രവചനം ഫലിച്ച ഒരു കഥ ജനാര്‍ദ്ദനന്‍ പങ്കുവയ്ക്കുന്നു. എം.ജി. സോമനും സുകുമാരനുമൊക്കെ മലയാള സിനിമയില്‍ കത്തിനില്‍ക്കുന്ന ഒരു കാലം. ശ്രീകുമാരന്‍ തമ്പിയുടെ ഒരു സിനിമ ഷൂട്ടിംഗ് നടക്കുന്നു. അദ്ദേഹത്തെ കാണാന്‍ വന്ന ഒന്നുരണ്ട് പ്രൊഡ്യൂസേഴ്‌സിനോട് തമ്പി ഒരു കാര്യം പറഞ്ഞു. ‘മലയാള സിനിമയിലേക്ക് ഒരു ചെറുപ്പക്കാരന്‍ കടന്നുവന്നിട്ടുണ്ട് കേട്ടോ. അയാള് ലാ കോളജില്‍ നിന്നാണ് വരവ്. അയാള് മലയാള സിനിമയില്‍ ഒരു നല്ല നടനാകും.’ മമ്മൂട്ടി എന്ന അതുല്യ നടനെ കുറിച്ചാണ് തമ്പിയുടെ ആ പ്രവചനം. പില്‍ക്കാലത്തത് സത്യമായി ഭവിച്ചു. സംവിധായകനും തിരക്കഥാകൃത്തും കവിയും ഗാനരചയിതാവും നിര്‍മ്മാതാവും എഞ്ചിനീയറും ഒക്കെയായ ശ്രി. ശ്രീകുമാരന്‍തമ്പി നല്ലൊരു ജ്യോത്സ്യനും കൂടിയാണെന്ന കാര്യം ഇപ്പോഴാണെനിക്കു മനസ്സിലായതെന്നും ജനാര്‍ദ്ദനന്‍ പറയുന്നു.
Post Your Comments