1996-ൽ റിലീസായ “ഇന്ത്യൻ” എന്ന തമിഴ് ചിത്രത്തിലെ “പച്ചൈക്കിളികൾ തോളോട്” എന്ന പാട്ടായിരുന്നു വിഷയം.
ഷോമാൻ ഷങ്കറിന്‍റെ സംവിധാനത്തിൽ , കമൽഹാസൻ പ്രധാന വേഷത്തിലഭിനയിച്ച “ഇന്ത്യൻ” എന്ന ചിത്രത്തിൽ, ഏ.ആർ.റഹ്മാന്‍റെ സംഗീത സംവിധാനത്തിൽ, ഡോ.കെ.ജെ.യേശുദാസ് പാടിയ പാട്ടാണ് “പച്ചൈക്കിളികൾ തോളോട്” എന്നത്. വളരെ സന്തോഷപൂർവ്വം പ്രസ്തുത പാട്ട് പാടിയ യേശുദാസ്, പിന്നീട് അതിന്‍റെ ഫൈനൽ ഓഡിയോ കേട്ടപ്പോഴാണ് ഞെട്ടിപ്പോയത് ! നല്ല ബാസിലും, കനത്തിലും ഒക്കെ അദ്ദേഹം ആലപിച്ച “പച്ചൈക്കിളികൾ”, കമ്പ്യൂട്ടർ ഗിമ്മിക്സിന്‍റെ സഹായത്തോടെ ഏ.ആർ.റഹ്മാൻ അൽപ്പ സ്വൽപ്പം മാറ്റങ്ങൾ വരുത്തിയിരുന്നു. ബാസൊക്കെ പൂർണ്ണമായും കട്ട് ചെയ്ത്, ചെതുക്കിയ രൂപത്തിലായിരുന്നു ആ പാട്ട് കാസറ്റിലെത്തിയപ്പോൾ !
അത് കേട്ട യേശുദാസ്, ദേഷ്യം സഹിക്കാൻ വയ്യാതെ ഏ.ആർ.റഹ്മാനെ ഫോണിൽ ബന്ധപ്പെടുകയും, തന്‍റെ അതൃപ്തി അറിയിക്കുകയും ചെയ്തു. ചിത്രത്തിന്‍റെ നിർമ്മാതാവ് ഏ.എം.രത്നത്തിനെതിരെ കേസ് കൊടുക്കും എന്ന രീതിയിൽ അദ്ദേഹം സംസാരിക്കുകയും ചെയ്തു. ഒടുവിൽ, ഏ.ആർ.റഹ്മാനും, കമൽഹാസനും ചേർന്ന് പ്രശ്നം രമ്യമായി പരിഹരിക്കുകയായിരുന്നു.
Post Your Comments